AQSh Afg‘onistonga 150 ta Black Hawk harbiy vertolyoti beradi

AQSh 7 oktabrda Afg‘oniston mudofaa kuchlarini qo‘llab-quvvatlash dasturi doirasida Afg‘onistonga ikkita Black Hawk harbiy vertolyotini topshirdi. Bu haqda Tolo News telekanali xabar bermoqda. 

Telekanalning ta'kidlashicha, AQSh hammasi bo‘lib Afg‘onistonga 150 ta Black Hawk beradi. Kobul birinchi partiyani o‘tgan oyda olgan, qolgan vertolyotlar yaqin orada yetkaziladi.

Avvalroq Afg‘oniston prezidenti Muhammad Ashraf G‘ani Qobul harbiy-havo kuchlari parkini yangilamoqchiligini ma'lum qilgan. Turli ma'lumotlarga ko‘ra, xorijiy hamkorlar, jumladan AQSh bu maqsadda 6-7 mlrd dollar ajratadi.