Pedagoglikka birinchi marta ishga qabul qilinayotganlarni kasbiy sertifikatlash tizimi joriy etiladi

Stajyor-o‘qituvchilarga ular kasbiy sertifikat olguniga qadar oliy ma’lumotli (toifasiz) o‘qituvchining bazaviy tarif stavkasi qo‘llanadi.

Foto: yuz.uz

2024 yil 1 yanvardan umumiy o‘rta ta’lim muassasalarining pedagogik kasblariga birinchi marta ishga qabul qilinayotgan talabgorlarni kasbiy sertifikatlash tizimi joriy etiladi.

"Huquqiy axborot" kanali xabariga ko‘ra, bunda:

2023-2024-o‘quv yilidan pedagogik kasblarga birinchi marta ishga qabul qilinadigan oliy ma’lumotli talabgorlar stajyor-o‘qituvchi sifatida faoliyat yuritadi va ular ishga qabul qilingan vaqtdan boshlab bir yil muddat davomida kasbiy sertifikatga ega bo‘lishi talab etiladi;

stajyor-o‘qituvchilarga ular kasbiy sertifikat olguniga qadar oliy ma’lumotli (toifasiz) o‘qituvchining bazaviy tarif stavkasi qo‘llanadi.

Tayyorlagan: Отабек Матназаров

#pedagog #sertifikat