Foto: O‘zbekiston prezidentining rafiqasi va qizi Xivaga bordi
O‘zbekistonning birinchi xonimi Ziroat Mirziyoyeva qizi Shahnoza Mirziyoyeva bilan Xiva shahriga bordi. Bu haqda Shahnoza Mirziyoyeva Instagram’dagi sahifasida ma'lum qilgan.
Xususan, Ziroat Mirziyoyeva va Shahnoza Mirziyoyeva Ichan-Qal'a me'moriy majmuasiga tashrif buyurib, tarixiy obidalar bilan tanishishdi hamda hunarmandchilik rastalarini ko‘zdan kechirishdi.
«Ikki sahro, Qizilqum va Qoraqum orasida joylashgan Xiva shahri - azaldan hayot qaynagan voha durdonasi. Xiva xonligi haqida ko‘p o‘qiganman, lekin Xivaning o‘zida bo‘libgina mamlakatimiz o‘z tarixi bilan naqadar boy va buyuk ekanini to‘liq angladim!» - deb yozadi Shahnoza Mirziyoyeva.
Uning so‘zlariga ko‘ra, bu yerdagi zamonaviylik va tarix uyg‘unligi so‘z bilan ifoda etib bo‘lmas muhitni yaratadi.
«Xivada har qadamda islom me'morchiligining eng yorqin namunalarini uchratish mumkin. Ushbu shamolli shaharda qadimiylik ruhini sezish, yurtimiz boy tarixi naqadar ulug‘vor ekanini his etish, me'moriy obidalar chiroyidan zavqlanish mumkin. Xiva havosi kishini maftun qiladi, o‘ziga rom etadi...», - deya o‘z taassurotlari bilan o‘rtoqlashgan Shahnoza Mirziyoyeva.
Mavzuga oid
08:53 / 28.09.2024
Xiva vokzali yonida yerosti yo‘l o‘tkazgichi barpo etiladi
22:36 / 26.09.2024
Chirchiq daryosining 6 km qismida dam olish hududi barpo etiladi
19:16 / 11.09.2024
Har bir kambag‘al oilaning kamida bir a’zosi oliy ma’lumotli bo‘lishi uchun sharoit yaratiladi
12:09 / 23.08.2024