Bosh prokuratura ishga taklif qiladi

O‘zbekiston Respublikasi Bosh prokuraturasi huzuridagi Axborot-tahlil multimedia markaziga qo‘yidagi lavozimlarga ishga taklif qilmoqda:

Kreativ muharrir – kreativ yechim va tezkorlik, sharx, reportajlar tayyorlashda va intervyu hamda «davra suhbat»lari o‘tkazishda tahliliy yondashuv; matnlar, intervyu va suhbatlarni tahrir qilish; tillarni mukammal bilish; telejurnalistika sohasida malakali tajribaga ega bo‘lish; kompyuter savodxonligi.

Taklif etilayotgan lavozim bo‘yicha oylik ish haqi miqdori 3 mln. so‘mdan 4 mln. so‘mgachani tashkil qiladi.

Muxbir – lavhalar tayyorlash jarayonini mukammal o‘zlashtirish; adabiy tahrir malakasiga ega bo‘lish; o‘z fikrlarini to‘g‘ri ifoda etish, savolnomalar tuzish, kadrda va kadr ortida ishlay bilish; axborot materiallarini tayyorlash, umumlashtirish va tahlil qilish; muxbirlik faoliyatida yetarli tajribaga ega bo‘lish; kompyuter savodxonligi.

Taklif etilayotgan lavozim bo‘yicha oylik ish haqi miqdori 2 mln. 300 ming so‘mdan 3 mln. 300 ming so‘mgachani tashkil qiladi.

Teleboshlovchi – san'atkorlik va improvizatsiya mahorati; kadrda va kadr ortida ishlash qobiliyati; bekami-ko‘st talaffuz va suxandonlik xususiyatlariga ega bo‘lish; ommaviy tadbirlar va televideniyeda chiqish tajribasi; kompyuter savodxonligi.

Taklif etilayotgan lavozim bo‘yicha oylik ish haqi miqdori 2 mln. 300 ming so‘mdan 3 mln. 300 ming so‘mgachani tashkil qiladi.

Murojaat uchun telefon raqami va elektron manzil:
+99871 232-32-16
[email protected]

Nomzodlar bilan suhbat 2018 yil 24 yanvar kuni soat 18.00 da O‘zbekiston Respublikasi Bosh prokuraturasi binosida o‘tkaziladi.
Yoningizda pasport va rezyume bo‘lishi shart.