AQSh prezidentining maxsus vakili Serjio Gor O‘zbekistonga tashrif buyuradi

Elchi Gor ikki tomonlama hamkorlikni kengaytirish imkoniyatlarini o‘rganish uchun yuqori martabali amaldorlar bilan uchrashadi.

Foto: Prezident matbuot xizmati

AQSh prezidentining Janubiy va Markaziy Osiyo bo‘yicha maxsus elchisi Serjio Gor 3-7 fevral kunlari Qirg‘iziston va O‘zbekistonga tashrif buyuradi.

Elchi Gor Bishkekka tashrifi davomida «B5+1» biznes-forumida ishtirok etib, Qozog‘iston, Qirg‘iziston, Tojikiston, Turkmaniston va O‘zbekiston, shuningdek, biznes vakillari va siyosatchilar bilan uchrashuvlar o‘tkazadi.

Bishkek va Toshkentda elchi Gor ikki tomonlama hamkorlikni kengaytirish imkoniyatlarini o‘rganish uchun yuqori martabali amaldorlar bilan ham uchrashadi.

«Qo‘shma Shtatlar Qirg‘iziston va O‘zbekiston bilan iqtisodiy aloqalarni mustahkamlash hamda butun mintaqada barqarorlik va farovonlikka hissa qo‘shadigan innovatsion sheriklikni rivojlantirish tarafdori», deyiladi xabarda.