Tramp ikki haftadan keyin “kim aybdor”ligiga qarab qaror chiqarishini aytdi

AQSh prezidenti Donald Tramp Moskva va Kiyevning keyingi harakatlariga qarab ikki hafta ichida "juda muhim qaror" chiqarishini aytdi.  

"Ikki haftadan keyin voqealar qanday borishini ko‘rasizlar. Bu vaqtga kelib Rossiya va Ukrainaning yondashuvlarini tushunib olaman. Oxir-oqibat, ikkita yo‘l bor va ikki haftalik muhlat tugagagach, qaror chiqaraman", — dedi u.

Shu bilan birga, Amerika rahbari muzokaralardan chiqishi mumkinligini ham aytib o‘tdi.

"Men nima qilish kerakligi to‘g‘risida qaror qabul qilaman va bu juda muhim qaror bo‘ladi: bu keng miqyosdagi sanksiyalar bo‘ladimi, bojlar yoki boshqa narsa bo‘ladimi yoxud biz hech narsa qilmaymiz va “Bu sizlarning kurashingiz” deymiz", — dedi Tramp.