O‘zbekistonga elektromobillar asosan Xitoydan olib kelinyapti

O‘zbekistonga iyun oyida 63ta elektromobil olib kelindi. Bu haqda Davlat statistika qo‘mitasi xabar berdi.

Qo‘mita ma'lumotlariga ko‘ra, 2021 yilning yanvar-iyun oylarida O‘zbekistonga xorijdan 268ta elektromobil import qilingan. Bu ko‘rsatkich o‘tgan yilning mos davriga nisbatan 230taga ko‘p.

2021 yilning iyun oyida O‘zbekistonga 63ta elektromobil olib kelindi, bu may oyiga qaraganda 14taga ko‘p.   

2021 yilning yanvar-iyun oylarida O‘zbekiston elektromobillarni asosan quyidagi davlatlar import qilgan:

• Xitoy – 228ta;
• Turkiya – 24ta;
• Koreya – 5ta;
• AQSh – 5ta;
• Germaniya – 4ta;
• Litva – 1ta; 
• Ispaniya – 1ta.