Келажак сари қадам: iPhone ва eSIM авлоди. Фойдаланувчилар қандай афзалликларга эга бўладилар?

iPhone Air — биринчи iPhone бўлиб, унда жисмоний SIM-карта слоти йўқ. У бутунлай рақамли форматга ўтди. Сериянинг қолган моделлари эса одатий SIM-карта слотини сақлаб қолди, лекин қўшимча электрон SIM улаш имконияти мавжуд.

Статистикага кўра, Ўзбекистонда тобора кўпроқ абонентлар eSIM’дан фойдаланишга ўтмоқда. Бу қулай, хавфсиз ва экологик жиҳатдан фойдали. Лекин eSIM қандай ишлайди ва нега айнан сиз учун ҳам фойдали бўлиши мумкин? Келинг, батафсил тушунтирамиз.

eSIM нима?

Оддий SIM-картани тасаввур қилинг: илгари уни телефонингиздан чиқариш учун махсус калит ёки ҳатто оддий нарсалар (зирак, қоғоз қисқичи) керак бўларди. eSIM эса шу картанинг рақамли шакли. У ҳам худди шундай ишлайди, фақат пластиксиз. Уни йўқотиб бўлмайди, шикастланмайди ва оператор ёки тарифни алмаштирганда картани алмаштириш шарт эмас.

Ўзбекистондаги операторларда eSIM’га ўтиш

Beeline Uzbekistan

Вариант 1: Илова орқали

• hambi (Beeline Uzbekistan) иловасини юклаб олинг ва авторизациядан ўтинг;
• Кўрсатмаларга амал қилиб, eSIM’ни фаоллаштиринг. QR-код ёки махсус кодни киритишингиз керак бўлиши мумкин.

Бир неча босқичда ҳаммаси тайёр! Сиз ўз рақамингизни сақлаб қоласиз ва жараён бутунлай онлайн амалга ошади.

Вариант 2: Beeline офисида

Паспорт ёки шахсни тасдиқловчи ҳужжат талаб қилинади.

Ucell

Ucell’да жараён ҳам жуда оддий.

Вариант 1: Илова орқали

• Ucell иловасини юклаб олинг ва авторизация қилинг;
• Кўрсатмаларга амал қилиб, eSIM’ни фаоллаштиринг.

Жараён бир неча дақиқада якунланади!

Вариант 2: Ucell офисида паспорт ёки шахсни тасдиқловчи ҳужжат талаб қилинади.

mobiuz

mobiuz’да eSIM’га ўтиш жараёни 100% онлайн амалга оширилади.

Вариант 1: Илова орқали

• mobiuz иловасини юклаб олинг ва аккаунтга киринг;
• “eSIM улаш” бўлимидан рақам танланг ва кўрсатмаларга амал қилинг;
• Тез ва самарали!

Вариант 2: mobiuz офисида

• Паспорт ёки шахсни тасдиқловчи ҳужжат билан мурожаат қилинг, маслаҳатчи eSIM’ни улашда ёрдам беради.

Uztelecom

Вариант 1: Илова орқали

• MyUztelecom иловасини юклаб олинг ва авторизация қилинг;
• Кўрсатмаларга амал қилиб, eSIM’ни фаоллаштиринг.

Вариант 2: Uztelecom офисида

• Яққол паспорт ёки шахсни тасдиқловчи ҳужжат билан мурожаат қилинг, маслаҳатчи ёрдам беради.

Нега кўп одамлар eSIM’ни танлаяпти?

eSIM’нинг асосий афзаллиги — бу қулайлик ва мослашувчанлик. Энди жисмоний SIM-картани алмаштириш шарт эмас: рақамли версияни танланган оператор орқали онлайн фаоллаштириш мумкин, жараён эса бир неча дақиқа ичида якунланади.

Фойдаланувчи маълумотлари ҳам хавфсиз — телефонга ўрнатилган eSIM йўқолмайди, ўғирланмайди ва шикастланмайди. Унинг хавфсизлигини қурилманинг ички тизими таъминлайди.

Яна бир афзаллик — экологияга фойдаси: пластик карталардан воз кечиш чиқиндиларни камайтиради.

Бугунги кунда eSIM оддий тренд эмас, балки дунё бўйлаб кўплаб фойдаланувчилар танлаётган қулай ечимдир. Қайси операторни танлашингиздан қатъи назар, eSIM осон, тез ва алоқа тажрибасини янада қулай қилади.

Янги iPhone Air учун олдиндан буюртма бериш мумкин, расмий сотувлар эса 15 октябрдан бошланади.

Янги iPhone туркумини олдиндан буюртма қилишни Ўзбекистондаги Apple’нинг расмий ҳамкорларида амалга оширишингиз мумкин:

iSpace, CA.store, Mediapark, Texnomart, JOYBOX ва idea.

Реклама ҳуқуқи асосида