Ўзбек миллий автомагистрали 2019 йилда қуриб битирилади

Ўзбекистон миллий магистралининг қурилиши 2019 йилда тўлиқ якунланади. Бу ҳақда “Ўзавтойўл” ДАК бош мутахассиси Маҳмуд Жумабоев маълумот берди.
Унинг сўзларига кўра, ушбу магистралнинг тўлиқ қуриб битирилиши натижасида Андижон-Қўнғирот ва Самарқанд-Термиз йўналишидаги автомобиль йўллари халқаро стандартларга тўлиқ жавоб бериши, жўнаш жойидан белгиланган масофага етиб бориш учун
10-12 соат вақт сарфланиши кутилмоқда.
Янги магистралнинг пайдо бўлиши, шунингдек, инвестицион муҳитни рағбатлантириб, янги инвесторларни жалб этишга, мамлакат иқтисодиётини ривожлантиришга ёрдам беради.
Ўзбек миллий магистрали қўшни давлатларга чиқувчи тўрт йўналишдаги 2 755 км масофани ўз ичига олади.