Спилберг ўзининг биринчи суперқаҳрамонлик фильмини суратга олади

Фото: Chris Pizzello/AP

Стивен Спилберг DC comics'нинг Қора лочин тўғрисидаги комиксини экранлаштиради. Бу ҳақда USA Today Warner Bros. студияси раиси Тоби Эммерихнинг баёнотига асосан хабар бермоқда.

Бу Спилбергнинг DC комикслари бўйича биринчи фильми бўлади ҳамда суперқаҳрамонлик жанридаги илк картинасига айланади. Фильм сценарийси устида «Юра даври боғи» ва «Оламлар уруши» сценарийчиси Дэвид Кепп ишлайди. Картина сюжети Қора лочин бош қаҳрамони атрофида қурилади, у Иккинчи жаҳон уруши вақтида профессионал учувчилар гуруҳига раҳбарлик қилади.

Янги фильм қачон катта экранларга чиқиши ҳозирча номаълум.

Эслатиб ўтамиз, аввалроқ Стивен Спилберг барча даврларнинг тижорий жиҳатдан энг муваффақиятли кинематографисти мақомини мустаҳкамлаб, фильмлари жаҳон прокатида 10 миллиард доллардан ортиқ маблағ тўплаган илк режиссёр сифатида эътироф этилганди.