Анқарада «Асрлар таъмлари учрашуви: Етти минтақада турк ошхонаси» кўргазмаси очилди — фотолар

Дастурнинг очилишида сўзга чиқар экан, президент Ражаб Тоййиб Эрдўғаннинг рафиқаси Эмине Эрдўған Анадолунинг минг йиллар давомида ҳосил бўлган унумдор ўлкаларига тўхталиб, шундай деди:

«Анадолу худди инсоният, цивилизация ва маданий тараққиётининг илм жамғармаси кабидир. Илк уруғлари ўн минглаб йиллар олдин ерга кўмилган аждодлар насли маконидир. У бир хил тариф билан минг йиллар давомида бир хил осмон остида, бугунги кунда эса бир хил тарифлар билан пиширилган қадимий рецептлар мамлакатидир».

Турк ошхонаси дунёнинг машҳур ошхоналари орасида дунёга жуда кам мазали рецептларини очганига эътибор қаратган Эмине Эрдўған шундай деди:

«Мақсадимиз — ошхонамизни дунёга муносиб тарзда танитиш ва биз эга бўлиб турган маданий бойлигимизни сақлаб, келажакка лойиқ ҳолда олиб боришдир. Қадрли академиклар ва уста ошпазлар билан биргаликда «Асрлик рецептлар билан турк ошхонаси» китобини нашр этиш орқали биз нафақат ошхона маданиятимизни таништирдик, балки чиқиндисиз ва барқарор рецептларимизни ҳам халқимиз ва бутун инсоният манфаати учун таклиф қилдик».

Эмине Эрдўған Туркия сифатида жамиятдаги ҳар бир гуруҳни бир неча аср давомида таъсир қилган кўплаб мамлакатлар халқлари билан бир дастурхон атрофида бирлаштирган, чуқур илдиз отган ошхона маданиятига эга бўлишнинг қийматини билишини, озода, соғлом, маҳаллий ва асил озуқалардан фойдаланиш бутун инсониятнинг ҳуқуқига эга бўлишига ишонишини урғулади.

«Турк ошхонаси — меҳнат ва сабр-тоқат бирлашганда юзага келадиган мўъжизанинг номи. Ер ҳайдайдиган, уруғ экадиган, кўчат ўтқазадиган, ҳосилни ўрганадиган, хамир қорадиган, уни ёядиган ва бошқа барча моҳир қўлларнинг ҳамкорликдаги ишидир.

Мамлакатимизнинг ҳар бир шаҳрида маҳсулот билан акс этган ва қалбимизни шакллантирган инсон ҳикояси мавжуд. Географик кўрсаткичи билан рўйхатга олинган маҳсулотлар билан биз ўзлигимизни шакллантирадиган ҳикояларни ҳам ҳимоя қилган бўламиз», — деди Эмине хоним.

Турк ошхонасига бағишланган 21–27 май ҳафталиги турк ошхонасини муносиб тарзда тарғиб қилиш учун ноёб имкониятлар тақдим этганига диққат қаратган Эмине Эрдўған, барча тегишли муассасалар ва халқнинг қўллаб қувватлаши билан бу ҳафтанинг ҳақ қандай миллат одами билан умумий дастурхон атрофида анъанавий учрашувга айланиши ҳақидаги тилакларини билдирди.

Туркиянинг биринчи хоними озиқ-овқатларнинг табиийлигини йўқотишнинг инсонга жисмоний зарари билан бирга маънавий зарари ҳам борлигини таъкидлаб, шундай давом этди:

«Дастурхонлар тез пишувчи газаклар билан алмаштирилса, ҳис-туйғулар сўнади, сезгирлик пасаяди, халқлар ўзига хослигини йўқотиб, бир-бирига ўхшаш бўла бошлайди. Қалбларни анъанавий дастурхонлар ҳам тўйиндириб қўяди. Овқат пишган уй ҳақиқий уйга айланади, янги нон ҳиди эса ишонч бахш этади. Ўчоқнинг тутуни тинчлик ва осойишталикнинг асосидир».

Эмине Эрдўған ўз нутқида Исроил ҳужумлари остида қолган Фаластиндаги воқеаларга ҳам тўхталиб ўтди.

«Фаластиндаги ваҳшийликнинг маданий қирғинни ўз ичига олганини, бир миллатни кийимидан тортиб егулигигача, тарихий биноларидан тортиб табиий гўзалликларигача ҳар жиҳатдан йўқ қилишга уринишлар қилинмоқда. Исроил худди товус патларини олиб, ўзининг устига ёпишмоқчи бўлган қарғанинг ҳикоясидаги каби Фаластиннинг маданияти, тарихи ва ошхонасини очиқдан-очиқ ўғирламоқчи бўлса ҳам, ҳақиқатни баралла айтишда давом этамиз», — Эмине хоним.

Президент ҳузуридаги Коммуникация бошқармаси бошлиғи Фахреттин Алтун, Маданият ва туризм вазири Меҳмет Нури Эрсой, элчилар ва уларнинг турмуш ўртоқлари гастрономия соҳасидаги профессор-ўқитувчилари ва талабалари иштирок этган тадбирда турк ошхонасининг анъанавий, соғлиққа фойдали ва чиқиндисиз маданий мерос ва турк ошхонасининг бойлигини етказиб берувчи видеоролик намойиш этилди.

Эгей денгизидан Шарқий Анадолугача, Қора денгиздан Марказий Анадолугача бўлган турли географик минтақаларнинг табиий ва маданий мероси ва қишлоқ хўжалиги хилма-хиллигини акс эттирган Президент қароргоҳи Кўргазмалар залидаги маҳсулотларни кўздан кечирган Эмине Эрдўған масъуллардан маълумот олди.

Кўргазмада Эмине Эрдўған, ўз ҳомийлигидаги «Тўқима атлас» лойиҳаси доирасида тайёрланган Турк ошхонаси ва дастурхон маданиятини акс эттирувчи анъанавий ҳунармандчилик маҳсулотларини ҳам кўздан кечирди.

Тадбирнинг фое майдонида тегишли минтақада маданият, туризм ва иқтисодиёт каби кўплаб соҳаларга таъсир кўрсатиб, қўшимча қиймат яратадиган Европа Иттифоқида рўйхатдан ўтган 21 та географик ҳудуд кўрсатилган маҳсулотларни ўз ичига олган стендларни ҳам кўздан кечирди.

Бу стендларда Ғозиантеп пахлаваси, Айдин анжири, Малатя ўрики, Айдин ерёнғоғи, Милас зайтун мойи, Байрамич меваси, Тошкўпру саримсоғи, Гиресун дўмбоқ ёнғоғи, Антакя ширинлиги, Суруч анори, Чағлаянжерит ёнғоғи, Гемлик зайтуни, Эдремит зайтун мойи, Милас ёғли зайтун, Аяш помидори, Эдремит кўрфази яшил чизиқли зайтун, Мараш кукуни ва Эзине пишлоғи ҳам киритилган.

Шунингдек, тадбирда ўтмишдан келажакка мерос бўлиб қолган аждодлар уруғлари ҳам намойиш этилди. Меҳмонларга луқум, турк қаҳваси ва бўза ичимликлари тортилди.

Истовчилар мазкур кўргазмага 1 ой давомида ташриф буюришлари мумкин.