Россия пойтахти Москва шаҳрида Халқаро Бокс Ассоциациясининг (AIBA) 2018 йилги Конгресси очилди.
Kun.uz мухбири хабар беришича, унда AIBA президенти вазифасини бажарувчи Ғофур Раҳимов анжуманни кириш сўзи билан очиб берди.
Президент Ғофур Раҳимов ўзининг қарийб бир йиллик фаолияти юзасидан маъруза қилди. Шунингдек, AIBA`га аъзо 5та конфедерация раҳбарларининг ҳисоботи тингланади, ташкилотнинг 7та комиссияси ўз тақдимотларини ўтказади.
Шу билан бирга, 2 ноябрь кун тартибидан 2018-2020 йилларга мўлжалланган янги бизнес-режа тақдимоти, AIBA`нинг молиявий ҳисоботи ва 4 йиллик аудит сарҳисобини тасдиқлаш масалалари ҳам ўрин олган.