Фото: Screenshot
2017 йилги бокс бўйича жаҳон чемпиони, Рио олимпиадаси кумуш медали соҳиби Шаҳрам Ғиёсов 10 март куни профессионал рингдаги илк жангини ўтказди.
Нью-Йоркда Тошкент вақти билан 11 март куни тонги соат 05:00да бошланган жангда у аргентиналик рақиби Николас Веласкесни биринчи раунднинг 7-сониясидаёқ полга қулатди.
Шу тариқа, Шаҳрам Ғиёсов профессионал рингдаги фаолиятини тезкор нокаут билан бошлади.
Веласкес шу кунга қадар проф боксда 12 та жанг ўтказган бўлиб, шуларнинг 10 тасида рақибларидан устун келган ва 2 та жангда имкониятни бой берганди.
