Қўшимча функционаллар
-
Тунги кўриниш
Собиқ «Пойтахт» бизнес марказида ёнғин рўй берди
Юнусобод туманидаги собиқ «Пойтахт» бизнес марказининг реконструкция ишлари олиб борилаётган биносида ёнғин содир бўлди. Уни ўчириш учун 4 та ёнғин-қутқарув экипажи жалб этилди.
Фото: Видеодан кадр
9 феврал куни Тошкент шаҳри Юнусобод туманидаги собиқ «Пойтахт» бизнес марказининг реконструкция ишлари олиб борилаётган биносида ёнғин содир бўлди. Бу ҳақда ФВВ матбуот хизмати хабар берди.
Вазирликка кўра, соат 11:40 да Шароф Рашидов кўчасида жойлашган бинода қурилиш материаллари ёнаётгани тўғрисида ФВБга хабар тушган.
Шунга кўра 4 та ёнғин-қутқарув экипажи соат 3 дақиқада воқеа жойига етиб борган, ёнғин соат 11:51 да ўчирилган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
