Тошкентдаги бир нечта хонадонда ёнғин содир бўлди

ФВБ хабарида нечта хонадонга ўт кетгани айтилмаган. Ижтимоий тармоқларда тарқалган хабарларда учта хонадон ўт ичида қолгани айтилди.

Фото: ФВБ

Тошкент шаҳри Шайхонтоҳур туманида бир нечта хонадонда ёнғир содир бўлди. Бу ҳақда шаҳар Фавқулодда вазиятлар бошқармаси хабар бермоқда.

Маълум қилинишича, бугун, 2024 йил 20 октябр куни соат 16:54 да ФВБга Тошкент Шайхонтоҳур тумани “Гулбозор” МФЙ Билдириш тор кўчасидаги хонадонларда ёнғин содир бўлаётгани тўғрисида хабар тушган.

Шунга кўра, ёнғин-қутқарув экипажлари соат 17:03 да воқеа жойига етиб бориб, соат 17:33 да ёнғин қуршаб олинган ва соат 17:40 да ўчирилган.

Қайд этилишича, ҳодисада ҳеч ким тан жароҳати олмаган ва ҳалок бўлмаган. Ҳозирда ёнғин сабаби ва зарар миқдори аниқланмоқда.