Товарларни қабул қилиб жўнатишгача: Balton Trading йирик чакана сотувчилардан бири M Cosmetic’нинг асосий ҳамкорига айланди

Россиядаги 28 000 ортиқ дўконга эга йирик чакана савдо тармоқларидан бири бўлган «Магнит» компаниялар гуруҳи таркибига кирувчи M Cosmetic – косметика, парфюмерия ва маиший кимё маҳсулотлари дўконлари тармоғи Balton Trading Asia билан логистика соҳасида ҳамкорликни бошлади.

2022 йилда Balton Trading Asia логистика йўналишида янги – 3PL хизматларини ривожлантира бошлади. Ҳозирги кунда эса компания МДҲ мамлакатларидаги йирик чакана сотувчилардан бири – M Cosmetic учун 3PL хизматларининг асосий етказиб берувчиси ҳисобланади. 2023 йил 1 июль ҳолатига кўра, Тошкент ва Тошкент вилоятида, Фарғона ва Андижонда 28 та тармоқ дўконлари фаолият кўрсатмоқда, йил охирига қадар M Cosmetic тармоқни 60 дан ортиқ савдо нуқталарига етказишни режалаштирмоқда.

Balton Trading Asia вакиллари M Cosmetic билан ҳамкорлик ҳақида сўзлаб беришди, шунингдек, 3PL нима эканлиги, хизматлардан фойдаланиш кимга фойда келтириши ва логистика бўйича ҳамкор сифатида компания танлашнинг афзаллиги нимада эканлигини тушунтириб берди.

M Cosmetic билан ҳамкорлик

M Cosmetic яқинда Balton Trading Asiaни логистик ҳамкор сифатида танлади. Компаниянинг тажрибали ходимлари WMS Axelot X5 (Warehouse Management System) тизимида иш юритишади, бу эса барча ҳамкор эҳтиёжларидан келиб чиққан ҳолда йирик чакана сотувчига индивидуал ёндашувни топишга ёрдам беради.

Balton Trading Asia махсулотни қабул қилишдан тортиб жўнатишгача бўлган тўлиқ логистика циклини ўз зиммасига олиб, стикерларни чоп этиш, этикеткалаш ва бошқа омбор ичидаги операцияларни ўзи амалга оширади. M Cosmetic дўконларига товарларни жўнатиш тўғридан-тўғри Balton Trading филиаллари орқали ўз транспорт воситаларида амалга оширилади. Бу M Cosmetic'га ўз омборлари, ишчи кучлари ва автопаркка эга бўлиш юкини енгиллаштиришга ёрдам беради ва шу билан харажатларни ҳам камайтиради. Бу, айниқса, чакана сотувчи фаол иштирок этаётган минтақавий кенгайиш учун жуда муҳимдир. Июль ойи охирига қадар Фарғона ва Андижон вилоятларида мавжуд дўконлардан ташқари яна янги дўконлар ҳам ўз эшикларини очади. 

Сўнгги олти ой ичида M Cosmetic буюртмалари бўйича қайта ишланган маҳсулот номлари (SKU) сони 2000 тадан 8000 тагача, етказиб берувчилар сони 130 тагача ошди. Шу билан бирга, SKU қандай миқдор ва ўлчамда бўлиши муҳим эмас, замонавий омборларни бошқариш воситаларига эга Balton Trading бундай вазифаларга тез ва самарали ечим топа олади.

M Cosmetic буюртмаларининг аксарияти кичик буюмлардир ва шу сабабли Balton Trading маҳсулотларни сақлаш учун ҳужайраларда сақлаш хизматини жорий қилди, унда деярли 5000 та кичик маҳсулотларни сақлаш учун 100 дан ортиқ кичик пластик ҳужайралар мавжуд.

M Cosmetic ва бошқа мижозлар Balton Trading Asia томонидан тақдим этилаётган хизматларнинг профессионаллиги ва сифатига аллақачон баҳо беришди. Компанияда таъкидлашларича, бу Balton`нинг ушбу йўналишдаги узоқ муддатли бизнес ҳамкорлик ва барқарор ўсишнинг бошланишидир.

3PL нима ва у кимга керак?

Third Party Logistics (3PL) – сақлаш, инвентаризацияни бошқариш, буюртмаларни танлаш ва якуний истеъмолчиларга етказиб беришни ўз ичига олган логистика хизматлари тўпламидир.

3PL хизматлари ёрдамида буюртмачи компания қуйидагиларга эга бўлади:

Сифат ва бажарилиш тезлиги. Мижозларга кўрсатилаётган хизматлар сифатини таъминлаш учун Balton Trading Asia аллақачон ташқи омиллардан қатъи назар хизматни кафолатлаш учун мўлжалланган ўз автопаркларини шакллантирган.

Харажатларни камайтириш. Ташқаридан аутсорсерни жалб қилиш, бизнеснинг ўз тузилмасини шакллантиришдан камхаражатроқ бўлиши мумкин.

Рақобатчиларга нисбатан сезиларли устунликни таъминлайдиган операцион функцияларни аутсорсинг қилиш орқали асосий бизнесга эътибор қаратиш имконияти.

Balton Trading компанияси дистрибюторлик бизнесида 28 йиллик тажрибага эга, ўз омборлари, автотранспорт парки ва Ўзбекистон бўйлаб 17 мингдан дан ортиқ савдо нуқталари учун ойига 65 мингта буюртмани қайта ишловчи юқори сифатли хизматларни тақдим эта олади. Бугунги кунда корхона омборларида 3PL йўналиши бўйича 11 мингга яқин маҳсулот қайта ишланмоқда.

Компаниянинг омборлари Тошкент шаҳри ва Ўзбекистон вилоятлари марказларида жойлашган. Balton Trading Asia мижозлари орасида FMCG, e-commerce ва мода секторлари 3PL хизматларидан аллақачон ZoodMall, Defacto ва бошқа халқаро компаниялар фойдаланади.

3PL хизматларининг афзалликлари 

Бугунги кунда 3PL хизматлари Ўзбекистонда омбор логистикасининг янги ривожланаётган сегменти бўлиб, бозордаги таклифлар сонининг камлиги билан изоҳланади. Шунга қарамай, кўп йиллик тажрибасига суянган ҳолда Balton Trading Asia бутун таъминот занжирини керакли юқори даражада қуришга муваффақ бўлди.

Компания мижозларига қуйидаги қулайликларни тақдим этади:

• вақт ва асабларни тежаш;
• капитал харажатларни қисқартириш;
• маҳсулотларни сақлаш учун бинолар, шунингдек, ҳайдовчилар ва паркларни қидиришни истисно қилиш;
• товарларни бир нуқтадан бошқа нуқтага етказиб бериш жараёнини тўлиқ назорат қилиш.

Ўз навбатида, 3PL хизматларидан фойдаланиш йирик чакана сотувчилар учун ҳам, катта ассортиментга эга ўрта бизнес учун ҳам қулай ва фойдалидир.

Balton Trading Asia 1994 йилдан буён фаолият юритиб келади ва бугунги кунда Ўзбекистон бозорига истеъмол товарларини импорт қилиш ва сотиш бўйича FMCG секторининг етакчи дистрибюторларидан бири ҳисобланади. Компания ҳозиргача Colgate, Bunge, «Макфа», Imperial Tea ва бошқа йирик компаниялар билан ҳамкорликни йўлга қўйган.

Реклама ҳуқуқлари асосида.