MLS’да илк бор Канада клуби ғолибликни қўлга киритди

Канаданинг «Торонто» клуби Шимолий Америка Олий футбол лигаси (MLS) кубоги финалида ўз майдонида «Сиэтл Саундерс»ни 2:0 ҳисобида мағлуб этиб, MLS’да ғолибликни қўлга киритди. 

Голларни Жози Алтидор (67-дақ.) ва Виктор Васкес (94-дақ.) томонидан урилди.

MLS кубоги учун учрашув мунтазам чемпионатда энг юқори ўринни эгаллаган финалчи жамоа уй стадионида бўлиб ўтади. 

«Торонто» ушбу ғалаба эвазига MLS’нинг чемпионлик унвонини қўлга киритган Канаданинг илк клуби бўлди. 

Айни вақтда бу унвонни энг кўп «Лос-Анжелес Гэлакси» қўлга киритган – 5 та. 2016 йилда ғолиблик «Сиэтл Саундерс»га насиб қилганди.

MLS’нинг биринчи мавсуми 10та жамоа билан 1996 йилда бўлиб ўтган. 2017 йилда MLS’да 22та жамоа – АҚШдан 19та ва Канададан 3та жамоа иштирок этди. Мунтазам чемпионат якунларига кўра 12та энг яхши клуб (ҳар бир конфедерациядан 6тадан) плей-офф босқичига чиқиб, у ерда чемпионлик унвони учун кураш олиб борди.

MLS. Олий футбол лигаси. Финал
Торонто – Сиэтл Саундерс – 2:0
Голлар: 1:0, Алтидор (67); 2:0, Васкес (90+4)