MAN Auto-Uzbekistan янги юк машинаси моделини тақдим этади

Фото: Picture Alliance

MAN Auto-Uzbekistan 21 сентябрь куни MAN TGS 19.400 4X2 Efficient Line юк машинаси янги моделини тақдим этади.

Тошкентда 20 сентябрь куни Ўзбекистондаги транспорт соҳасида биринчи халқаро конференция - «Марказий Осиё халқаро транспорт йўлаклари тизимида: стратегик истиқболлар ва амалга оширилмаган имкониятлар» очилади. 21 сентябрь куни тадбир доирасида конференция иштирокчилари «MAN Auto-Uzbekistan» МЧЖ ҚК ишлаб чиқариш жараёни билан танишиш мақсадида Самарқандга ташриф буюрадилар.

MAN’дан таъкидлашларича, янги шатакчилар нафақат халқаро ташувлар стандартлари талабларига жавоб беради, балки ўз тежамкорлиги билан логистика компанияларига кўрсатилаётган хизматлар таннархини камайтириш имконини берадиган бутунлай янги техник ечим ҳам бўлади.

Машинанинг ўзига хос хусусияти шундан иборатки, уни ишлаб чиқариш жараёнида инновацион ишланмаларни қўллаш мумкин. Масалан, TIPMatic (MAN TipMatic) роботлаштирилган узатмалар қутиси, SmartShifting функцияси ва «Efficient Line» махсус аэродинамик тўплам.

Тайёрлаган: Отабек Матназаров

#юк машинаси #MAN Auto-Uzbekistan