Ўзбекистон президентлигига номзод Баҳром Абдуҳалимов ўзининг сайловолди дастурида Президент администрацияси, Вазирлар Маҳкамаси, вазирлик ва давлат идоралари шаҳардан ташқарига чиқаришни таклиф қилмоқда.
“Адолат” партияси номзоди, шунингдек, мансабдорларнинг ўз мавқейидан фойдаланган ҳолда ер майдонлари ва барча табиий ресурсларни тақсимлашига мутлақо чек қўйилиши ҳамда мамлакат бойлиги бўлган барча ресурслар мансабдорларга эмас, сўзсиз, халққа тегишли бўлиши кераклигини таъкидлаган.
“Мамлакат пойтахтини кенгайтириш ва ривожлантириш тарафдоримиз. Аммо биз, мавжуд хонадонларни бузиш эвазига эмас, пойтахтнинг маъмурий марказини, яъни Президент администрацияси, Вазирлар Маҳкамаси, вазирлик ва давлат идораларини шаҳардан ташқарига чиқариб, пойтахтни халқимизнинг дам олиш, саёҳат қилиш ва ҳордиқ чиқариш масканига айлантирамиз. Пойтахтни том маънода халққа берамиз!” – дейилади Баҳром Абдуҳалимовнинг сайловолди дастурида.
Ўзбекистон президентлигига сайлов 24 октябрь куни бўлиб ўтади. Айни кунларда сайловда иштирок этадиган бешта сиёсий партия етакчилари аҳоли орасида ўз тарғибот тадбирларини ўтказмоқда.
