2018 йилда тиббиёт олий ўқув юртларида мақсадли қабул квоталари янада оширилади - вазир
![](http://storage.kun.uz/source/2/GxhVZ_oVRU86s7gXwWVjrlld4CxmeCmm.jpg)
Фото: Соғлиқни сақлаш вазирлиги
2017 йилда тиббий таълим тизимида ҳам катта ўзгаришлар юз берди. Тиббий таълим бўйича энг муҳим ҳодиса, ўқиш муддатларининг қисқартирилгани бўлди. Шунингдек, касбий фанлар блоки кенгайтирилиб, ижтимоий-иқтисодий фанлар блоки 7 фоизгача қисқартирилди, клиникагача ва клиникага оид фанлар учун соатлар ҳажми 85 фоизгача кўпайтирилди, деб таъкидлайди Соғлиқни сақлаш вазири Алишер Шодмонов 2017 йил сарҳисоби бўйича вазирлик сайтида эълон қилинган мақолада.
Президент қарорига мувофиқ, 2017/2018 ўқув йилидан бошлаб биринчи марта мақсадли қабул йўлга қўйилди ва 2017 йилда тибббиёт олий ўқув юртларига мақсадли қабул учун 1 минг 180 ўрин ажратилди.
2018 йилда бакалавриат таълим йўналишининг мақсадли қабул квотасини 2017 йилга нисбатан 20 фоиз ошириш, мақсадли магистратурани 10 фоиз кўпайтириш, клиник ординатура қабул квотасини 15 фоиз ошириш белгиланди.
2017 йил Инвестиция дастурига кўра 27,6 млрд сўм маблағ эвазига Тошкент педиатрия тиббиёт институтининг симуляция маркази ва клиникасида, Тошкент педиатрия тиббиёт институти Нукус филиалининг120 ўринли, Андижон давлат тиббиёт институтининг120 ўринли, Бухоро давлат тиббиёт институтининг 200 ўринли, Тошкент тиббиёт академияси Урганч филиалининг 100 ўринли жами 540 ўринли клиникаларда қурилиш, реконструкция ва капитал таъмирлаш ишлари амалга оширилмоқда.
2018 йил Инвестиция дастури доирасида Тошкент педиатрия тиббиёт институтининг симуляция маркази, мазкур институт Нукус филиалининг 120 ўринли, Андижон давлат тиббиёт институтининг 120 ўринли, Бухоро давлат тиббиёт институтининг 200 ўринли клиникаларида қурилиш ва реконструкция ишларини давом эттириш учун 31,8 млрд. сўм маблағ ажратилиши режалаштирилган.
Мавзуга оид
![](https://storage.kun.uz/source/thumbnails/_medium/10/OIfCuBenj2pLMVryLp1VzGeBoh8DT0In_medium.jpg)
19:43 / 09.01.2024
Алишер Шодмонов узоқ муддатли таътилга чиқди
![](https://storage.kun.uz/source/thumbnails/_medium/9/a0agcMJTPb7xXkz2iT4U_LKQpKImjjpx_medium.jpg)
10:26 / 12.08.2023
Алишер Шодмонов вазирнинг биринчи ўринбосари бўлиб қайтди
![](https://storage.kun.uz/source/thumbnails/_medium/8/RxwJK-Ifu71AcpUXk1X1QF-mDbQqAx2h_medium.jpg)
17:30 / 05.07.2022
“Қорақалпоғистоннинг тақдири – бу Ўзбекистоннинг тақдири” — Алишер Шодмонов
![](https://storage.kun.uz/source/thumbnails/_medium/7/2-_RlbjA21zy2yfEIHFkikX_Y9dS60GG_medium.jpg)
19:52 / 06.07.2021