Ўзбекистонда энг қиммат ош қаерда тайёрланади?

Давлат статистика қўмитаси матбуот хизмати Ўзбекистоннинг турли маъмурий ҳудудлари кесимида тайёр палов (ош)нинг ўртача нархлари ҳақида маълумот берди. Унга кўра, энг қиммат ош Самарқандда қайд этилган. У ерда 2019 йил декабрда бир порция паловнинг нархи 20 минг сўм, бир килограмми эса 140 минг сўмдан сотилган.

Кузатув натижаларига кўра, Ўзбекистон ош марказларида 1 порция ва 1 кг. палов нархи 2019 йил декабрь ойи учун қуйидагича бўлганлиги (сўмда) аниқланган: 

Қорақалпоғистон Республикаси 1 порция тайёр ош нархи — 12 167 сўм, 1 кг. ош – 85 минг 169 сўм; Андижон – 1 порция – 14 минг, 1 кг. – 98 минг сўм; Бухоро – 1 порция – 16 минг сўм, 1 кг. – 112 минг сўм; Жиззах – 1 порция – 15 минг, 1 кг. – 105 минг сўм; Қашқадарё – 1 порция – 15 минг, 1 кг. – 105 минг сўм; Навоий – 1 порция – 12 минг сўм, 1 кг. – 84 минг сўм; Наманган – 1 порция – 10 минг 700 сўм, 1 кг. – 74 минг 900 сўм; Самарқанд – 1 порция – 20 минг сўм, 1 кг. – 140 минг сўм; Сурхондарё – 1 порция – 11 минг 667 сўм, 1 кг. – 81 минг 667 сўм; Сирдарё – 1 порция – 15 минг сўм, 1 кг. – 105 минг сўм; Тошкент – 1 порция – 13 минг 333 сўм, 1 кг. – 93 минг 331 сўм; Фарғона – 1 порция – 14 минг сўм, 1 кг. – 98 минг сўм; Хоразм – 1 порция – 14 минг сўм, 1 кг. – 98 минг сўм; Тошкент шаҳри – 1 порция – 15 минг 400 сўм, 1 кг. – 107 минг 800 сўм. 

“Ушбу нархларни белгилашда фақат танлаб олинган ош марказларидаги тайёр палов нархлари ҳисобга олинган. Ресторан ва чойхоналардаги нархлар бундан мустасно”, дейилади хабарда.