Қўшимча функционаллар
-
Тунги кўриниш
Қабул-2020: Фанлар мажмуаси ва касбий (ижодий) имтиҳон олинадиган йўналишлар рўйхати тасдиқланди
2020/21 ўқув йили учун ОТМларга ўқишга киришда имтиҳон топшириладиган фанлар мажмуаси ва касбий (ижодий) имтиҳон олинадиган йўналишлар рўйхати тасдиқланди. Бу ҳақда Олий ва ўрта махсус таълим вазирлиги маълум қилди.
Фото: KUN.UZ
Пандемия сабабли, бу йилги тест синовлари истисно тариқасида мажбурий фанларсиз, фақат танланган бакалавриат йўналишларига мос 2та мутахассислик фанидан ўтказилади.
Абитуриентлар иккита фандан 30тадан, жами 60та тест топшириғини бажарадилар. Биринчи блокдаги фан бўйича ҳар бир тўғри жавобга 3,2 балл, иккинчи блокда 3,1 балдан берилади. Максимал балл 189га тенг.
Фанлар мажмуаси билан қуйидаги pdf файлни юклаб олиш орқали танишиш мумкин:
Бу йилдан бошлаб абитуриентлар ҳужжат топширишда 5та йўналишни танлашлари мумкин. Бунда биринчи (3,2 балл) ва иккинчи (3,1 балл) фанлар бир-бирига мос бўлиши талаб этилади.
Ҳарбий ОТМларга кириш имтиҳонларида тест олинадиган фанлар мажмуаси ҳам белгиланди:
Маълум қилинишича, “Олий ҳамширалик иши” бакалавриат таълим йўналишига ўқишга кириш учун абитуриентлар белгиланган тартибда рўйхатдан ўтишда дастлаб ҳудудларда жойлашган тиббиёт олий таълим муассасасига мурожаат қилади.
Бакалавриатнинг қуйидаги 13та таълим йўналишига ўқишда киришда битта фандан тест ва касбий (ижодий) имтиҳонлар ўтказилади:
132та йўналишда эса абитуриентлар тест синовларисиз, фақат касбий (ижодий) имтиҳонлар орқали ўқишга қабул қилинади.
Давлат комиссиясининг 2020 йил 1-сон баёни билан, 2020/2021 ўқув йили қабулида:
- касбий (ижодий) имтиҳонлар дастурларини бакалавриат таълим йўналишлари хусусиятидан келиб чиқиб соддалаштирилади;
- абитуриент касбий (ижодий) имтиҳон учун бир марта келади ва ортиқча вақт сарфламасдан топшириши таъминланади;
- тест синовлари билан бир қаторда ўтказиладиган касбий (ижодий) имтиҳонлар шу йилнинг 25 июлигача ўтказилади;
- алоҳида иқтидор талаб этиладиган таълим йўналишлари кириш имтиҳонлари 25 июлдан 20 августгача ўтказилади;
- касбий (ижодий) имтиҳонлар видеокузатувлар орқали қатъий назорат қилинади ва интернетда жамоатчилик кузатуви таъминланади.
Кўп балли тизим бўйича имтиҳонлар ҳамда тест синовлари асосида амалга ошириладиган ва ўқитиш қозоқ, туркман ва қирғиз тилларида олиб бориладиган таълим йўналишлари рўйхати ҳам тасдиқланди:
Эндиликда ўқитиш тожик тилида олиб бориладиган таълим йўналишларига ўқишга киришда касбий (ижодий) имтиҳонлар ўрнига тест синовлари олинади.
Қабул-2020
Мавзуга оид
15:10 / 07.12.2023
Аввал тест ишлаб, кейин қаерда ўқиш танланади – 2024 йилдан абитуриентлар қабули ўзгаради
15:07 / 03.11.2023
Умумтаълим фанларидан ўқишга тавсия этилган дарсликлар рўйхати эълон қилинди
15:01 / 21.09.2023
Максимал балл тўплаб контрактга кирган талабалар грантга ўтказилади
08:22 / 12.09.2023