Қўшимча функционаллар
-
Тунги кўриниш
Сирдарёда кам таъминланган оилалар сони 3575тани ташкил қилади
Сирдарё вилояти аҳолиси 864 100 нафарни ташкил этиб, жами аҳолининг 49,7 фоизи аёллар, 23,3 фоизи (18-30 ёш) ёшлар ҳиссасига тўғри келади. Бу ҳақда вилоят маҳалла ва оилани қўллаб-қувватлаш бошқармаси Kun.uz’га маълум қилди.
Фото: Getty Images
Аҳолининг 23 989 нафари ногиронлиги бўлган шахслар,
550 нафарини ёлғиз қариялар, 4 352 нафарини оғир ижтимоий вазиятга тушиб қолган хотин-қизлар ташкил этади.
Вилоятда 159 848 та хонадон, 219 986 та оила мавжуд бўлиб, уларнинг 3 575 таси кам таъминланган, 265 таси нотинч, 2 860 таси боқувчисини йўқотганлар яшайдиган ва 12 533 таси кўп болали оилалар ҳисобланади.
2021-2022 ўқув йилида олий ўқув юртига кирган, ота ёки онасидан бири вафот этган, шунингдек турмуш ўртоғи вафот этган эҳтиёжманд 100 нафар хотин-қизларнинг контракт тўлови вилоят ҳокимлиги, 50 нафарига олий ўқув юртлари томонидан тўлаб берилиши режалаштирилган.
Жорий йилда 721 нафар хотин-қизларга олий таълим муассасаларига давлат гранти асосида танловда иштирок этиши учун тавсиянома берилди.
