Ўзбекистон янги тўлов тизимини жорий этади: Uzcard’дан асосий фарқлар

Ўзбекистонда янги тўлов тизими GlobUzCard ташкил этилмоқда. Бу ҳақда Ягона Халқаро процессинг маркази матбуот хизмати ҳам хабар берди.

Янги тўлов тизими халқаро тўлов тизимлари билан хорижий валютада амалиётлар ўтказиш, жумладан, Ўзбекистон ҳудудида хорижий банклар карталари бўйича ҳамкорлик қилади. Янги пластик карталар кўплаб фойдали функцияларга эга. Улар билан кичик суммалар бўйича ПИН кодсиз тўловни амалга ошириш имконияти бор, картани фойдаланишга киритишда унинг дизайнида бар код ва фотосуратни жойлаштириш имконияти ҳам мавжуд.

Шунингдек, тизим билан транспорт, талабалар, оилавий ва бошқа турдаги карталар ҳам назарда тутилган.