Қўшимча функционаллар
-
Тунги кўриниш
Жамият | 22:08 / 20.06.2024
6692
1 дақиқада ўқилади
Тошкентдаги «Буюк Турон» кўприги таъмирлаш учун ёпилди
Автомобиллар ҳаракати учун айланма йўллар ташкил қилинди.
Фото: Мирзо Улуғбек тумани ҳокимлиги
Тошкент шаҳридаги «Буюк Турон» кўприги таъмирлаш ишлари бошлангани учун 1 августгача ёпилади. Бу ҳақда Тошкент шаҳри, Мирзо Улуғбек тумани ҳокимлиги хабар берди.
Қайд қилинишича, Мирзо Улуғбек туманидаги Темур Малик кўчасини кенгайтириш ишлари олиб борилмоқда. Шу сабабдан 20 июндан 1 август кунига қадар Темур Малик кўчасининг Буюк Ипак йўли кўчаси билан кесишмасидаги «Буюк Турон» кўприги автомобиллар ҳаракати учун ёпилади.
Таъкидланишича, Буюк Ипак йўлидан ҳаракатланаётган автомобиллар Темур Малик йўли билан айланиб ўтиб, ҳаракатини давом эттириши мумкин. Шунингдек, ушбу йўллар кесишмасида махсус светофорлар ўрнатилган.
