Тошкент давлат шарқшунослик институти умумтаълим мактаблари билан меморандум имзолади

Ўзбекистон Республикаси Олий ва ўрта махсус таълим вазирлиги ва Ўзбекистон Республикаси Халқ таълими вазирлигининг қўшма қарорига биноан Тошкент давлат шарқшунослик институти Тошкент шаҳридаги бир қатор умумтаълим мактаблари билан ҳамкорлик тўғрисидаги меморандум имзолашди.

Институт ректори А.Маннонов бириктирилган мактаб раҳбарлари билан ўтказилган сухбатда умумтаълим мактабида таҳсил олаётган ўқувчиларнинг илм-фан ва касб-ҳунарга бўлган қизиқишини кучайтириш, институт профессор-ўқитувчиларининг илмий-педогогик салоҳияти ва тажрибаларидан самарали фойдаланган ҳолда илғор ўқитиш услубларини умумтаълим мактабларидаги таълим жараёнига мос равишда татбиқ этиш каби муҳим ва долзарб вазифаларни ҳамкорликда амалга ошириш ҳақида ўз фикрларини билдирди.