Тиббиёт ходимларининг касбий фаолияти босқичма-босқич лицензияланади

Замонавий ва самарали бошқарув усулларини жорий қилиш ва тиббий хизмат сифатини ошириш мўлжалланмоқда.

Фото: Соғлиқни сақлаш вазирлиги

Ўзбекистонда вилоят ва республика даражасидаги барча кўптармоқли шифохоналарда умумий бошқарувни тиббиёт менежерлари томонидан амалга оширилишига эришиш режалаштирилмоқда.

“Аҳоли саломатлиги-2030” стратегияси лойиҳасига кўра, бирламчи бўғин муассасаларининг 30 фоизи, вилоят муассасаларининг 50 фоизи, Республика ихтисослаштирилган илмий-амалий тиббиёт марказлари ва республика муассасаларининг 70 фоизи миллий аккредитациядан ўтказилади.

Ҳар бир ҳудудда камида 1 та вилоят/шаҳар муассасаси, 5 та Республика ихтисослаштирилган илмий-амалий тиббиёт марказлари ва республика муассасалари халқаро аккредитациядан ўтказилади.

Молиялаштириш, дори-дармон, тиббий буюм, жиҳоз ва ускуналар таъминоти, тиббий хизмат кўрсатиш ҳамда бошқарувда мукаммал бўлган миллий тиббий ёрдам тизими шакллантирилади.

Тиббиёт ва фармацевтика ходимларининг касбий фаолиятини босқичма-босқич лицензиялаш (давлат рўйхатидан ўтказиш) назарда тутиляпти.

Тайёрлаган: Отабек Матназаров

#лицензия #тиббиёт