Микрокредитбанк Италия микрокредитлаш миллий агентлиги билан ҳамкорлик алоқаларини ўрнатди

2018 йил 26 апрель куни Рим шаҳрида «Микрокредитбанк» АТБ бошқаруви раиси бошчилигидаги делегация ва Италиянинг микрокредитлаш миллий агентлиги раҳбарияти ўртасида учрашув бўлиб ўтди.

Италиянинг микрокредитлаш миллий агентлигининг асосий мақсади кичик бизнесни қўллаб-қувватлаш ҳисобланади. Янги ташкил этилган корхона ва аҳоли вакиллари кредит олишдан аввал, зарур ҳужжатларни агентликка тақдим этади. Агентлик тегишли йўналишлар берган ҳолда, ҳужжатларни маъқуллайди. Натижада корхона ва аҳоли вакилларига банкдан кредит олиш учун тасдиқ ҳужжати берилади ва бу ҳужжат асосида банклар кредит ажратади.

Учрашув натижасида, икки томонлама ҳамкорлик ўрнатиш юзасидан қўшма ишчи гуруҳини шакллантириш, «Йўл харитаси»ни ишлаб чиқиш ва меморандум имзолашга келишилди.

Агар ҳар икки ташкилот ўртасида ҳамкорлик ўрнатилса, Италия банкларининг микрокредитлаш лойиҳалари бўйича кредит линияларни жалб килиш, ходимлар тажрибасини ошириш ва малака алмашиш дастурларини амалга ошириш ишлари олиб борилади.