Жеки Чан коронавирусдан дори топган одамга мукофот пули ваъда қилди

Ҳонгконглик таниқли актёр Жеки Чан янги турдаги коронавирусга қарши дори топган одамга бир миллион юан (143 минг доллар) беришга ваъда берди.

Фото: AFP

65 ёшли актёр бу ҳақда Weibo ижтимоий тармоғидаги аккаунтида ёзган. У, шунингдек, Хитойга ҳимоя кийими ва тиббий ниқоблар хайрия қилаётганини маълум қилган. Актёрнинг таъкидлашича, бир миллион у учун унча катта пул эмас.

“Фан ва технология – вирусга қарши курашдаги муваффақият гаровидир ва мен бу фикрга кўпчилик қўшилади, деб ўйлайман. Дорининг имкони борича тезроқ яратилишига умид қиламан. Гап пулда эмас. Мен бир пайтлар ҳаёт қайнаган кўчалар бўшаб қолганини, кўплаб ҳамюртларим ҳаётдан завқланиш ўрнига вирусга қарши ҳаётларини тикиб курашаётганларини кўришни истамайман”, деб айтган актёр.

Таъкидланишича, Жеки Чан иштирокидаги “Авангард” (Vanguard, 2020) фильмининг Хитойдаги намойиши коронавирус сабабли охирги паллада бекор қилинди. Фильм 25 январда экранларга чиқиши керак эди.

Тайёрлаган: Шуҳрат Раҳимов

#Жеки Чан #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.