Эркин кураш бўйича Европа чемпиони Ўзбекистон шарафини ҳимоя қиладиган бўлди

Фото: sportyakutia.ru

Эркин кураш бўйича доғистонлик спортчи Илёс Бекпўлатов Ўзбекистон фуқаролигини қабул қилди ва халқаро аренада республика шарафини ҳимоя қилади.

Таъкидлаб ўтиш жоизки, Бекпўлатов бундан аввал ҳам фуқаролигини ўзгартиришга ҳаракат қилган. 2016 йилда у Венгрия терма жамоасига ўтишга уринган, бироқ ўшанда Спорт курашлари федерацияси қабул қилаётган давлатдан жуда катта миқдорда товон пули талаб қилди.

Илёс Бекпўлатов 2017 йилда эркин кураш бўйича Европа чемпионатида зафар қучган, шунингдек, Бокудаги Евроўйинлар-2015 совриндори ҳисобланади.

Тайёрлаган: Отабек Матназаров

#эркин кураш #Илёс Бекпўлатов