Қўшимча функционаллар
-
Тунги кўриниш
Ўзбекистон | 21:59 / 01.11.2021
7058
2 дақиқада ўқилади
Талабаларга ижара пуллари тўлаб берилади, давлат грантлари ва қабул квоталари оширилади — 2022 йилда таълим соҳасидаги ўзгаришлар
2022 йилда 80 минг талабанинг ижара пулининг бир қисми бюджетдан тўлаб берилади. Республика бўйлаб 40та янги мактаб, 1600дан зиёд болалар боғчаси қурилади.
Фото: Kun.uz
2022 йилда таълим ва тиббиёт тизимига 58 триллион сўм ажратилади. Бу ҳақда 1 ноябр куни президент Шавкат Мирзиёев ҳузурида 2022 йил учун солиқ тушумлари ҳамда бюджет параметрлари юзасидан ўтказилган йиғилишда маълум қилинди.
2022 йилда таълим тизимида кутилаётган янгиликлар:
- Таълим ва тиббиёт тизимига 58 триллион сўм ажратилиши кўзда тутилган эди. Президент бу маблағга қўшимча тарзда яна 12 триллион сўм ажратиш таклифини билдирди.
- Келгуси йилда 55 та янги дастур амалга оширилади.
- Чекка жойларда 1 минг 600 та болалар боғчаси ташкил этилади.
- Миллий таълим дастури доирасида 40 та янги мактаб қурилади ва 235 таси таъмирланади.
- Дарсликлар янгиланади ҳамда компютер синфлари очилади.
- Бакалавр йўналишида давлат грантлари, магистратура ва докторантурага қабуллар сонини оширилади.
- Давлат-хусусий шериклик асосида ётоқхоналар қуришга субсидия берилади.
- 80 мингдан ортиқ талабалар ижара харажатларининг бир қисми қоплаб берилади.
Эслатиб ўтамиз, 2021/22 ўқув йилда Ўзбекистонда таълим олаётган талабалар сони ярим миллион нафардан ошди.
Мавзуга оид
20:59 / 22.08.2025
Олийгоҳ ва лицейларда дарслар қачон бошланиши маълум қилинди
11:08 / 13.11.2021
Талаба дастурхони: сариёғ ва гўштга пул етмаган, буханка ва «ролтон»дан ўзга нарса йўқ(ми?)
16:42 / 11.11.2021
Талабаларнинг севимли транспорти: метро ва автобуслар билан боғлиқ айрим муаммолар
14:16 / 11.11.2021