«Реал» ЕЧЛда қуруқ ўйинлар ўтказиш бўйича «Арсенал» рекордини такрорлади

ЕЧЛнинг ярим финалидаги жавоб учрашувида «Манчестер Сити» жамоасини 1:0 ҳисобида енгган «Реал» жамоасининг турнирнинг жорий мавсумида гол ўтказиб юборилмаган ўйинлари сони 10тага етди.

Жамоа жорий мавсумдаги 12та ўйиндан фақат 2тасида ўз дарвозасидан гол қўйиб юборди ("Шахтёр"га қарши ўйинда 4:3, "Вольфсбург"га қарши сафарда 0:2).

Шу тариқа, қироллик клуби 2005-2006 йилги мавсумда «Арсенала» жамоаси томонидан қайд этилган рекордни такрорлади.

Бу мавсумда гол ўтказилмаган 10та ўйиндан 9тасида жамоа дарвозасини Кейлор Навас қўриқлаган. Гуруҳ босқичидаги натижаси аҳамиятсиз бўлган охирги ўйинда эса захира дарвозабони Кико Касилья майдонга туширилганди.