Сурияда Россия вертолёти қулади

Фото: © РИА Новости

31 декабрь куни россияликларнинг Ми-24 русумли ҳарбий вертолёти Суриянинг Ҳама аэродромидан ҳавога кўтарилиш вақтида қулаб тушган. Бу ҳақда Россия Мудофаа вазирлиги матбуот хизмати хабар тарқатди.

Ҳалокат оқибатида вертолётнинг икки учувчиси ҳам ҳалок бўлган. Борт техники жароҳатланган.

Ҳодисага техник носозлик сабаб бўлгани, вертолёт уриб туширилмагани айтилмоқда.

Тайёрлаган Азиз Қаршиев

#Сурия #вертолёт #Ми-24

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.