“Каптива” ҳайдовчиси атрофдагиларнинг ҳаётини хавф остига қўйиб, машинани одамлар устига ҳайдаб борган.
Фото: Видеодан кадр
Ижтимоий тармоқларда Сирдарё вилояти Сайхунобод туманида футбол ўйини ўтказилаётган пайтда “Каптива” стадионга чиқиб кетгани тасвирланган видео тарқалди.
Вилоят ИИБ ахборот хизматининг хабар беришича, ҳодиса Сирдарё вилояти ИИБ масъул ходимлари томонидан ўрганилиб, тегишли қарор қабул қилинган.
Унга кўра “Каптива” ҳайдовчисига нисбатан Жиноят кодексининг 277 - моддаси (Безорилик) билан (!) жиноят иши қўзғатилган.
Ҳайдовчи тегишли тартибда қамоққа олинган, машина жарима майдончасига жойлаштирилган.
Қайд этилишича, ҳозирда ҳолат юзасидан суриштирув ҳаракатлари олиб борилмоқда.
Хабарда ҳодиса қачон содир этилгани ҳақида маълумот берилмаган.
