Пенсияни ҳисоблаш тартиби ўзгармоқда. Кимларнинг пенсияси ошади?

3 млн сўмдан ортиқ ойлик олиб пенсияга чиққанларнинг пенсияси қайта ҳисоб-китоб қилинади ва 1 январдан эътиборан оширилади. Қуйида жадвал шаклидаги таққослама мисол билан танишинг.

2023 йил 1 январдан бошлаб пенсияларни ҳисоблаб чиқариш учун қабул қилинадиган ўртача ойлик иш ҳақининг энг юқори чегараси пенсияни ҳисоблаш базавий миқдорининг 10 баробаридан 12 баробарига оширилмоқда.

{Yii::t(}

Ўтказиб юбориш 6s

Пенсия жамғармаси бу ўзгаришнинг маъносини тушунтирди.

Янги тартибга асосан, пенсия тайинлашда ҳисобга олинган ўртача ойлик иш ҳақи миқдори 3 млн 240 минг сўмдан юқори бўлган пенсионерларнинг пенсиялари қайта ҳисоб-китоб қилиб чиқилади.

Kun.uz Пенсия жамғармасининг изоҳларини жадвалга солди.

Пенсия жамғармасининг эслатишича, пенсиялар миқдори автоматик тарзда қайта ҳисоб-китоб қилинади, бунда пенсионерлар Пенсия жамғармасига мурожаат этиши шарт эмас.

Қайд этилишича, жамғарма ўртача ойлик иш ҳақи миқдори 3 млн 240 минг сўмдан юқори бўлган барча пенсионерларнинг пенсиялари қайта ҳисоб-китоб қилиниб, пенсияси ошадиган фуқароларга декабр ойида SMS хабар юборган.

Жамғарма пенсия миқдори ошгани тўғрисида маълумотни @pensiyauzbot Telegram-боти орқали текшириб кўриш ёки 1140 ишонч телефонига мурожаат қилишни сўраган.

Муаллиф: Мадина Очилова

#пенсия