Стандартлаштириш бўйича тадбиркорларга енгилликлар берилиши кутиляпти. Батафсил

Стандартлар институти томонидан тадбиркорлар фаолиятини қўллаб қувватлаш, хусусий мулкни ҳар томонлама ҳимоя қилиш ва ишбилармонлик муҳитини сифат жиҳатидан яхшилаш мақсадида 600 га яқин ташкилот стандартлари (Тs) ўрнига тегишли давлат стандартлари (O`z DSt) лойиҳалари ишлаб чиқилди. Бу ҳақда Kun.uz’га Стандартлар институти матбуот хизмати хабар бермоқда.

Жумладан:

Мазкур ишлаб чиқилган стандартлар лойиҳаси тегишли бошқарма ва тизим ташкилотлари томонидан кўриб чиқилиши, шунингдек масъул ташкилот ва корхоналардан таклиф ва эътирозларни олиш мақсадида агентликнинг www.standart.uz веб сайтига қўйилди, ҳамда берилган тегишли таклиф ва эътирозлар асосида қайта ишлаб чиқилди.

Ўзбекистон Республикаси президентининг 2018 йил 12 декабрдаги “Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида”ги ПҚ-4059-сонли қарорини ижросини таъминлаш мақсадида, қатор йўналишларда стандартлаштириш соҳасидаги маҳсулотнинг ягона талабларини белгилайдиган, Ўзбекистон Республикасининг давлат стандартлари халқаро талаблар билан уйғунлашган ҳолда ишлаб чиқилди.

Мисол учун, “Кукунсимон синтетик ювиш воситалари. Техникавий шартлар” учун 2019 йил ҳолатига кўра 112 та ташкилотнинг стандартлари мавжуд эди, бу эса ўз навбатида 112 та корхона учун алоҳида ишлаб чиқилган 112 та стандарт дегани эди. Шу билан бирга ҳар 5 йилда ушбу стандартлар муддати тугагач тадбиркор яна қайтадан уни тасдиқлатиш учун овора бўларди.

Эндиликда, кукунсимон синтетик ювиш воситалари учун умумий талаблар асосида ягона давлат стандарти хизмат қилади. Ушбу ташкилотнинг стандарти мавжуд корхоналар эса ўз навбатида норматив ҳужжатларни қайта ишлаб чиқиш, муддатини узайтириш бўйича ортиқча вақт ва сарф-харажатларни тежашга ёрдам беради.