Долларнинг расмий курси пасайди

Марказий банк 4 майдан валюталарнинг сўмга нисбатан янги қийматини белгилади.

Унга кўра долларнинг расмий курси 0,61 сўмга тушиб, бир доллар 10129,39 сўмни ташкил қилди.

Евро курси 164,45 сўмга кўтарилиб, 11125,11 сўмга тенг бўлди.

Рубль курси ҳам 0,84 сўмга арзонлаган ва 1 рубль 134,80 сўмни ташкил этган.

Қайд этиш керакки, сўнгги ҳафталарда долларнинг расмий курси кетма-кет ошаётганди. 15 апрель куни Ўзбекистонда АҚШ долларининг расмий курси кескин кўтарилиб, 10 минг сўмлик нуқтадан ўтган, 21 апрель куни ҳам расмий курс ўсиши давом этганди. 28 апрелда эса расмий курс туша бошлади.