2018 йилдан буён республика бўйича қишлоқ хўжалигига мўлжалланмаган бўш турган ер участкалари тадбиркорлик ва уй-жой қуриш учун фақат «E-IJRO AUKSION» савдо майдончасида электрон онлайн-аукцион орқали берилмоқда.
Ҳозирда e-auksion.uz савдо майдончасида Тошкент, Фарғона, Қашқадарё, Сирдарё, Бухоро, Хоразм, Сурхондарё ва Самарқанд вилоятларидан 150 дан ортиқ ер участкалари тадбиркорлик фаолиятида фойдаланиш учун онлайн-аукционга чиқарилган.
Ўрнатилган тартибга кўра тадбиркорлик учун ер участкаларини беришда қуйидаги қулайликлар яратилди:
- жисмоний ва юридик шахслар аниқ инвестиция мажбуриятлари билан бирга ер участкасини онлайн-аукционга жойлаштириш бўйича таклифлар киритиш ҳуқуқига эга;
- харидор ер участкасини аукционда олганидан сўнг қурилиш талабалари, муҳандислик-коммуникация тармоқларига уланиш бўйича ҳужжатларни тайёрлаш учун сарсон бўлмайди, барча техник шартлар аукционга қадар тасдиқланади;
- ер майдони аукцион ғолибига берилган баённома орқали туман ёки шаҳар ҳудудий кадастр бўлимларида расмийлаштирилади, бунда аввалгидек ҳоким қарорини чиқариш талаб этилмайди;
- ер эгаси мазкур ер участкасида қуришга рухсат берилган ва тақиқлаган объектлар рўйхатидан ўзи истаган йўналишни танлаган ҳолда тадбиркорликни йўлга қўйиши мумкин.
Тадбиркорлик учун ер участкалари билан танишиш ҳамда сотиб олиш учун e-auksion.uz савдо майдончасига ташриф буюринг, рўйхатдан ўтинг ва ариза топширинг.
e-auksion.uz савдо майдончасида ўтказиладиган онлайн-савдоларда иштирок этишда қуйидаги видеоқўлланмаларни тавсия этамиз:
1. e-auksion.uz сайтида рўйхатдан ўтиш ва ҳисобварақни тўлдириш
Youtube: youtube.com/watch?v=a-GMKak8Tt0
Tas-ix: mover.uz/watch/98lXMGWm
2. e-auksion.uz сайтида лотга ариза бериш ва аукционда иштирок этиш
Youtube: youtube.com/watch?v=YBA1NpmYA0M
Tas-ix: mover.uz/watch/jeKYMGWm
«Электрон онлайн-аукционларни
ташкил этиш маркази» ДУК PR-хизмати
