Сиз тадбиркормисиз? Ўз фаолиятингизни кенгайтириш ва туризм соҳасида қулай имкониятни излаяпсизми? Давлат активларини бошқариш агентлиги сизга ажойиб имкониятни тақдим этади.
Самарқанд шаҳри туристик бизнес билан шуғулланувчилар учун йирик бозор ҳисобланади. Қадимий ва навқирон шаҳар марказидаги «Афросиёб палас» меҳмонхонасининг мулкий мажмуаси очиқ ва шаффоф механизмлар асосида сотувга қўйилди.
Эндиликда «E-ijro auksion» электрон савдо майдончаси орқали оммавий савдоларда қатнашиб, «Афросиёб палас» меҳмонхонасининг мулкий мажмуасини сотиб олишингиз мумкин!
Меҳмонхона шаҳар марказидаги тарихий қадамжоларга қулай ҳудудда жойлашган. Жумладан, Бибихоним масжидига 15 дақиқада пиёда бориш мумкин. «Гўри Амир» мақбараси ва «Амир Темур» хиёбони меҳмонхона рўпарасида жойлашган. «Регистон» майдони эса меҳмонхонадан 400 метрлик узоқликда. Мазкур мажмуа бозор нархларида баҳоланган бўлиб, унинг аукциондаги бошланғич нархи 27 432 946 350 сўмни ташкил этади.
Батафсил маълумотни Давлат активларини бошқариш агентлиги, Самарқанд вилояти ҳудудий бошқармасининг (66) 233-73-54, (97) 579-70-08 телефон рақамлари орқали, шунингдек, davaktiv.uz, www.e-auksion.uz сайтлари орқали олишингиз мумкин.
Шошилинг! Савдоларда қатнашиб, Самарқанд шаҳри марказидаги йирик меҳмонхона мулкдорига айланинг.
Давлат активларини бошқариш агентлиги ҳузуридаги
«Электрон онлайн аукционларни ташкил этиш маркази» ДУК
