Фарғонада содир бўлган ЙТҲда 2 киши ҳалок бўлди

Яна уч киши турли тан жароҳатлари билан шифохонага ётқизилган.

Фото: Фарғона вилояти ИИБ

Фарғона вилоятида Nexia-3 ва Tracker машиналари иштирокида одамлар ўлими билан боғлиқ йўл-транспорт ҳодисаси содир бўлган.

Фарғона вилояти ИИБ ахборот хизматининг хабар беришича, ҳодиса бугун, 3 январ куни соат 19:40 ларда содир бўлган.

Фарғона-Чимён 4P-146 автомобил йўлининг Фарғона тумани “Янгиобод” МФЙ ҳудудидан ўтган қисмида Nexia-3 иккинчи даражали йўлдан асосий йўлга шошилиб чиққан ва асосий йўлдан келаётган Tracker машинасига урилган.

Оқибатда, Nexia-3 машинасида бўлган 2 нафар йўловчи тан жароҳати олиб, воқеа жойида вафот этган. Яна 3 нафар йўловчи шифохонага ётқизилган.

Қайд этилишича, мазкур ҳолат юзасидан Жиноят кодексининг 266-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда.

Тайёрлаган: Ғайрат Йўлдошев

#ЙТҲ