«Арсенал»да яна йўқотиш, «Барселона» ҳам депсинмоқда. Европада кун ўйинлари

Англия: «МЮ» рақобатчиларидан ўзиб кетди, «Арсенал»га дуранг қимматга тушиши мумкин

Вест Ҳэм — Арсенал 2:2
Голлар: Бинраҳма (33, пеналти), Боуэн (55) — Жезус (7), Эдегор (10). 
Аниқ ижро этилмаган пенальти: Сака (52).
Вест Ҳэм – Фабиански, Цоуфал, Зума, Керер, Крессуэлл, Соучек, Райс, Пакета (Даунс, 87), Бинраҳма (Форнальс, 90+1), Боуэн, Антонио (Корне, 87).
Арсенал – Рэмсдейл, Уайт, Ҳолдинг, Габриэл, Тирни (Виейра, 85), Жака, Парти (Троссар, 67), Эдегор (Нкетиа, 90+1), Сака, Мартинелли (Нелсон, 85), Жезус (Жоржиньо, 67).
Огоҳлантиришлар: Парти (35), Жезус (45).

«Арсенал» «Манчестер Сити» томонидан ўтказилаётган доимий босимга қарамай, сафардаги дербини пешқадамга хос тарзда бошлади. 5-дақиқада Уайт қанотдан тўпни узатиб берганида дарвоза қаршисида турган Габриэл Жезус тўпни бўш бурчакка жойлади, яна беш дақиқа ўтиб Габриэл Мартинелли чап қанотдан узоқ устун томон яқинлашиб келган Эдегорга идеал узатма берди, «канонирлар» АПЛда дастлабки ўн беш дақиқаликда урилган голлар сони (8) бўйича ҳам пешқадам бўлиб олишди.

Микел Артета жамоаси учун бундай дебют — одатга айланмоқда. Лекин жамоа сафар дербиларида гол ўтказишни одат қилмаганди. «Арсенал» «Кристал Пэлас», «Брентфорд», «Челси», «Тоттенҳэм» ва «Фулҳэм» майдонида кечган ўйинларда дарвозаси дахлсизлигини сақлаб қолганди, аммо «Вест Ҳэм»га қарши ўйинда бундай ажойиб серия хотиржамликка берилиш оқибатида барҳам топди. Партей оддий вазиятда тўпни Райсга бериб қўйди, Лукас Пакета эса жарима майдони ичида Габриэл Магалянснинг оёғига қоқилди.

Бу бир лаҳзалик кучсизликдек кўринганди, аммо якунда бу ўйин дуранг билан якунланди, бу натижа эса «Арсенал»га чемпионлик пойгасида қимматга тушиши мумкин. Ва бунда Артета шогирдлари омадсизликни эмас, фақат ўзини айблаши мумкин, мураббий ҳам омад омилини истисно этди. Ҳисоб 2:1 эканида жамоанинг штатдаги пеналтичиси Сака тўпни трибуна томонга қарата тепди — бу эса омадсизлик эмас, балки босимга дош бера олмаслик эди. Шундан икки дақиқа ўтиб ичкаридан узатилган тўпга жарима майдони ичида очилган Боуэн ҳисобни тенглаштирувчи голни урди, бу вақтда меҳмонларнинг барча ҳимоячилари сунъий офсайд ҳосил қилишга уриниб, хатога йўл қўйди. Жамоада Салиба ва Зинченконинг йўқлиги билинмоқда.

Амалда мухлислар ўтган турдаги сценарийнинг такрорланишига гувоҳ бўлишди, ўшанда ҳам Артета жамоаси «Ливерпул» билан ўйинда икки гол устунлигини сақлаб қололмаганди. Энди йўқотилган очколар сони бўйича «Арсенал» «Сити»ни атиги бир очкога ортда қолдирмоқда. 26 апрел куни лондонликларни «Этиҳад»га сафар кутмоқда, бундай шароитда эса бир очко устунлик дегани эмас.

{Yii::t(}

Ўтказиб юбориш 6s

Ўтказиб юбориш

Ноттингҳем Форест — Манчестер Юнайтед 0:2
Голлар: Антони (32), Далот (76).
Ноттингҳем Форест – Навас, Уилямс, Фелипе, Маккенна (Деннис, 81), Ниакате, Лоди, Фройлер (Мангаля, 65), Гиббс-Уайт (Лингард, 88), Данило, Жонсон, Авонийи (Серриж, 65).
Манчестер Юнайтед – Де Хеа, Уан-Биссака, Магуайр, Линделёф, Далот, Эрикесен (Фред, 79), Каземиро, Фернандеш, Санчо, Антони, Марсиял (Вегҳорст, 72).
Огоҳлантиришлар: Магуайр (3), Уилямс (67), Мангаля (83), Вегҳорст (90+3).

Мавсумнинг ҳал қилувчи қисмида «МЮ» нафақат Рэшфорд тимсолида асосий ҳужум кучини, балки икки асосий марказий ҳимоячиси — Варан ва Лисандро Мартинесни ҳам йўқотди. Бундан ташқари, «қизил иблислар» билан шартномасини янгилаган Шоу ҳам жароҳатланган. Натижада Ноттингҳемдаги ўйинда Эрик тен Ҳаг ихтиёрида ҳимоячиларнинг идеал тўртлигидан фақат Диогу Далот қолди, у ўзи учун одатий позиция бўлмаган чап қанотда ҳаракат қилишига тўғри келди.

Эҳтимол, бу муаммоларнинг бари кейинроқ бўй кўрсатиши мумкин, аммо «Ноттингҳем» — «Юнайтед» учун жиддий муаммолар туғдира оладиган рақиб эмас. Бу ўйинда меҳмонлар ўта ишончли ҳаракат қилишди ва кўп сонли ҳужумларидан фақат иккитасидан фойдалана олишди, фақат Наваснинг сейвлари ўйин ўта йирик ҳисобда якунланишига тўсқинлик қилди. Урилган икки гол ҳам Антони иштирокида бўлди, биринчисида у  Марсиялнинг зарбасидан кейин қайтган тўпга биринчи бўлиб етиб келди, кейин эса Далотни дарвозабон билан яккама-якка вазиятга чиқарди. Учрашув қаҳрамони португалиялик жамоадошини АПЛдаги илк голи билан ўзига хос тарзда табриклади.

«МЮ» рақобатчиларидаги йўқотишлардан идеал даражада фойдаланиб, «Ньюкасл» ва «Тоттенҳэм»ни мос равишда 3 ва 6 очкога ортда қолдирган ҳолда учинчи ўринни мустаҳкамлади.

Испания: Гризманн «Барселона»ни қўрқитмоқда

Хетафе — Барселона 0:0
Хетафе – Сория, Суарес (Алварес, 83), Жене, Дуарте, Алдерете, Иглесиас (Порту, 67), Максимович (Алгобия, 76), Миля, Унал (Виляр, 83), Мунир (Аленя, 76), Майорал.
Барселона – тер Стеген, Роберто (Гарсия, 18), Кунде, Араухо, Алба (Торрес, 68), Бускетс, Кессиэ (Фати, 68), Гави, Балде, Рафинья (Торре, 88), Левандовски.
Огоҳлантиришлар: Гави (2), Алдерете (42), Суарес (57).

Душанба куни «Барселона» ўз уйида «Жирона» билан голсиз дурангга рози бўлганди. Якшанба куни «Хетафе» майдонида кўк-анорранглилар шундай ўйин кўрсатишдики, Испания кубогидаги класико билан қўшиб ҳисоблаганда қаторасига учинчи ўйинни ҳам голсиз тарк этиши муқаррар эди. Бунинг асосий сабаби — каталонияликлардаги таркиб муаммолари билан боғлиқ. Хави ҳатто протоколнинг барча қаторларини тўлдира олмаяпти, 18-дақиқада Сержи Роберто жароҳат олгани туфайли у ҳимоячи Эрик Гарсияни яна таянч зонасида ўйнатишга мажбур бўлди.

Тез орада унда танлов вариантлари яна пайдо бўлади, сўнгги хабарларга кўра Педри, Дембеле ва Френки де Йонг тузалиб, машғулотларга киришган. Аммо бу кейинги турларда ёрдам бериши мумкин, Мадрид яқинидаги ўйинда эса Гави 1.23 дақиқадаёқ сариқ карточка олгани билан ёдда қолди. Шу билан бирга бу «Барса» футболчилари учун рекорд кўрсаткич эмас, бир сафар Луис Суарес 58-сониядаёқ огоҳлантирилганди. Аммо турнир жадвалида илгарилаб кетган пешқадамдан мухлислар бундай пасайиш кутишмаганди, бу ўйинда эса жамоа ютқазиб қўйиши ҳам мумкин эди.

Биринчи бўлимда аввалига Рафинянинг, кейин Балденинг зарбаси дарвоза устунига тегди, Левандовски эса бир неча имкониятлардан фойдалана олмади.

Сўнгги дақиқаларда Араухонинг қўпол хатосидан кейин Борха Майорал қулай позицияга чиқиб борди, аммо унинг зарбаси дарвоза устуни ёнгинасидан ўтиб кетди. Ўйиндан кейин эса Хави майдонда майсанинг баландлигини танқид қилди, лекин чиндан ҳам шундай бўлса, бу мезбонларнинг ўзига ҳам халақит берган. Кетма-кет очко йўқотилаётганига қарамай, «Барса» асосий таъқибчиси «Реал»ни 11 очкога ортда қолдирмоқда.

Аммо ҳали барча масала ҳал бўлмаган, пешқадамни олдинда учинчи ўринда келаётган «Атлетико» билан, шунингдек доимо жамоага ноқулай рақиблар бўлиб келган «Райо Вальекано» ва «Бетис»га қарши ўйинлар кутиб турибди. Мавсумнинг бу қисмида асосий саволга жавоб топилади: охирги турлар арафасида чемпионлик интригаси уйғонадими? Қайд этиш мумкинки, «Барса» ла лигада қаторасига икки ўйинда нолсиз дуранг ўйнаши 30 йилдан — жамоани Йоҳан Кройф бошқарган даврдан буён кузатилмаганди. Шу билан бирга, Хави ўз жамоаси гол ўтказмаётганига эътибор қаратмоқда. Адолат учун айтиш керакки, турнир тарихида ҳали ҳеч бир жамоа 29 турдан кейин атиги 9 гол ўтказиши рўй бермаганди.

Атлетико — Алмерия 2:1
Голлар: Гризманн (5, 44) — Хименес (37, автогол).
Атлетико – Облак, Молина, Хименес, Эрмосо, Витцел, Карраско, Коке, Де Пол (Барриос, 78), Лиоренте (Сауль, 90), Гризманн, Корреа (Мората, 64).
Алмерия – Фернандо, Мендес (Пучмал, 58), Эли, Бабич, Кайки (Эмбарба, 84), Сентелес, Мелеро (де ла Ос, 68), Робертоне (Рамазони, 68), Саму Кошта, Баптистао (Портило, 68), Суарес.
Огоҳлантиришлар: Бабич (28), Эли (49), Лиоренте (77), Кондогбиа (89), Рамазони (90+4), Барриос (90+4).

Ла лигада 13 турдан буён мағлуб бўлмаётган «Атлетико» (+10=3) эса «Камп Ноу»га сафар олдидан жуда кучли ва динамик ўйин намойиш этди. «Барса»нинг ҳозирги ҳолати фонида бу бутунлай бошқа лига вакилига ўхшайди, албатта, кейинги турда барчаси ўзгариши ҳам мумкин. Аммо бугунги кун ҳолатига мадридликлар ўта ажойиб, Гризманн — эса қойилмақом ўйин кўрсатмоқда.

Гап фақат унинг танаффусга қадар икки гол урганида ҳам эмас, у жуда сифатли ўйин намойиш этмоқда. Француз ўзи ҳам дарвозага таҳдид солиш билан бирга, ҳужумларни ривожлантиришда ва вазиятлар яратишда муҳим ролни ўйнамоқда. Масалан, Феррейра-Каррасконинг зарбаси устунга теккан ҳужумда асосий ишни у бажарганди. Бундан ташқари, Гризманн «матрасчилар» тарихига барча турнирлар доирасида 150 гол урган тўртинчи футболчи сифатида кирди. У Луис Арагонеснинг рекордига етиши учун — 22 аниқ зарба етарли.

Шу билан бирга, «Атлетико» бу ўйинда очко йўқотиши ҳам мумкин эди. Бу шундай парадокски, меҳмонлар биринчи бўлимда бирор марта дарвоза соҳасига аниқ зарба бермай туриб ҳам ҳисобни 1:1 кўринишига келтиришди. Бунда уларга Хименеснинг автоголи ёрдамга келди, ўйиннинг сўнгги дақиқаларида эса VAR жамоага ёрдам бермади - ҳакам видеотакрорни бориб кўрганидан кейин тўп Хименеснинг қўлига эмас, елкасига теккан деб топди ва мадридликлар дарвозасига пеналти қўймади.

Италия: фақат Моуриньо ютди

Сассуоло — Ювентус 1:0
Гол: Дефрел (64). 
Сассуоло – Консильи, Толян, Эрлич, Руан (Феррари, 90), Рожерио, Лопес, Фраттези, Матеус Энрике (Ҳарруи, 71), Байрами (Дзортеа, 78), Лорьянте (Сейде, 78), Пинамонти (Дефрель, 46).
Ювентус – Перин, Барбьери (Куадрадо, 57), Данило, Бремер, Гатти, Костич (Кьеза, 66), Паредес (Погба, 83), Рабьо, Фажоли (Миретти, 66), Милик (Ди Мария, 57), Влаҳович.
Огоҳлантириш: Кьеза (90+5).

А серияда шанба кунги ўйинлар Чемпионлар лигаси чоракфиналчилари еврокубокни биринчи ўйинга қўйишларини кўрсатиб берди («Милан» ва «Наполи» дуранг ўйнади, «Интер» ютқазди). Бир кун ўтиб эса пайшанба куни Европа лигаси яримфиналига чиқиш учун ўйин ўтказадиган жамоалар ҳам шу ишни такрорлашди. Бу фақат таркиб ротацияси ҳақида, аммо футболчиларнинг алмашуви ҳам сифатнинг йўқотилишига сабаб бўлади.

Иккинчи бўлимнинг қайсидир палласида «Сассуоло»  туринликларни жарима майдонига қамаб қўйди. Меҳмонлар Периннинг ақл бовар қилмас реакцияси ва дарвоза тўсини ва устунлари туфайли қутулиб қолишди, аммо бурчак зарбалари сериясидан кейин меҳмонлар аъзоси Фажолининг боши айланиб қолди ва у тўпни Дефрелнинг оёғига ташлаб берди. Форвард эса Италия чемпионатидаги голлари сонини 50 тага етказиб, бу натижага эришган Трезеге, Платини ва Теродан кейинги тўртинчи француз футболчисига айланди. Консилининг сейви эса устунликни сақлаб қолиб, «Юве»ни еврокубокларга йўлланма берувчи олтинчи ўринда мустаҳкам жойлашган «Аталанта»га яқинлашиб олиш имконидан маҳрум этди.

Рома — Удинезе 3:0
Голлар: Бове (37), Пеллегрини (55), Абраҳам (90+1).
Аниқ ижро этилмаган пенальтилар: Кристанте (37), Перейра (69).
Рома – Патрисиу, Челик (Спинаццола, 75), Смоллинг, Льоренте, Манчини, Вейналдум (Матич, 61), Кристанте, Пеллегрини (Таҳирович, 90), Бове, Белотти (Абраҳам, 74), Ал-Шаъровий (Залевски, 74).
Удинезе – Сильвестри, Эхизибуэ (Эбоселе, 71), Родриго Бекао, Перес, Бийол, Удожи (Мазина, 86), Уолас, Ловрич (Несторовски, 78), Самаржич (Пафунди, 78), Перейра, Саксесс (Товен, 79).
Огоҳлантиришлар: Перейра (35), Саксесс (40), Эхизибуэ (45), Манчини (67), Товен (90).

«Рома» эса еврокубокларнинг дам олиш кунларида ғалабага эришган ягона италян жамоаси бўлди. Лекин Жозе Моуриньо учун ҳам бу ўйин хавотирсиз кечмади, сабаблар эса одатдаги каби - жароҳатлар. Унинг бахтига, боши ёрилган Кристанте барибир майдонда қолди. Уни алмаштиришга тараддуд кўрган Матич эса барибир иккинчи бўлимда алмаштиришни сўраган ва кейин захира ўриндиғида бўйнига муз босиб ўтирган Вейналдумнинг ўрнига тушишига тўғри келди.

Яна бир алоҳида мавзу — пенальтилар мавзуси, бу Дибала жароҳат олганидан кейин муаммога айланган. «Фейеноорд»га қарши ўйинда Пеллегрини 11 метрдан гол ура олмаганди, бу сафар эса Кристантенинг «нуқта»дан йўллаган зарбаси устунга тегди. Тўғри, бу сафар Бове қайтган тўпга биринчи бўлиб улгурди. Иккинчи бўлим бошида эса Белотти Пеллегринини ажойиб пас билан таъминлади, ҳисоб 2:0 эканида Руй Патрисиу рақибнинг пеналтисини қайтарди. Моуриньо учун яна бир хурсандчилик — Абраҳамнинг гол уриши бўлди, Роттердамда ушбу ҳужумчи жароҳат олиб, алмаштирилганди, бу ўйинда эса захирадан тушиб, сафга қайтди. «Рома» бу ғалабадан кейин учинчи ўринни мустаҳкамлаб, «Милан»ни уч очкога ўзиб кетган, бешинчи ўринда келаётган «Интер» эса энди беш очколик масофада қолмоқда.

Кун статистикаси

• «Аяччо» лига 1да қаторасига 6 ўйинда мағлуб бўлди — бу корсикаликларнинг 1968/69 йиллар мавсумидан буён энг ёмон серияси.
• Ҳимоячи Алварес эредивизия ўйинларида 10 бор сариқ карточка олди — бу «Аякс» футболчилари учун бир мавсумдаги энг ёмон кўрсаткич.
• «Аустрия» «Рапид» майдонидаги қаторасига 11 дербида мағлуб бўлмади. Бу Венанинг асосий клублари ўртасидаги қарама-қаршиликда рекорд кўрсаткич.
• «Лечче» «Сампдория» билан ўйиннинг биринчи бўлимида 21 зарба берди — бу А Сериянинг жорий мавсумидаги рекорд кўрсаткич.
• ПСВ ҳужумчиси Люк де Йонг Нидерландия чемпионатида 27 жамоа дарвозасига гол урган. Бу турнирда жорий асрда кузатилган энг юқори кўрсаткич.
• Филипп Клеман «Монако» бош мураббийлигида лига 1да ўтказилган дастлабки 50 ўйиндан 30 тасида ғалабага эришди. Белгиялик мутахассис клубнинг бу борадаги рекордчиси Клод Пюэл графиги бўйича кетмоқда.
• «Ноттингҳем» форварди Деннис АПЛдаги дастлабки 50 ўйинидан 37 тасида мағлуб бўлган. Бу «Сандерленд», «Вест Ҳэм» ва «Лидс» клубларида ўйнаган собиқ футболчи Маккартни қайд этган турнир антирекордининг такрорланиши бўлди.