Китоблар нима учун ўқилади?

Энг аввал, китобни билим олиш, ғоялар излаш учун ўқиймиз. Бу фикрга қўшимча сифатида китоб дунёқараш, қадрият, фикрлар ва шахсий фалсафани шакллантириши, бу эса шубҳасиз ҳаёт даражасига таъсир кўрсатишини айтиб ўтиш жоиз.

Китоб ўқиш бизга нима беради?

• Китобларда ўзгаларнинг тажрибаси ва билим, кўплаб ғоя ҳамда стратегиялар бор.
• Китоблар дунёқарашни шакллантиради – тўғри китобларни ўқиганимизда фикрлаш, тасаввур, хулосалар чиқариш каби кўникмаларимиз ривожланади.
• Китоб ўқиш кўплаб муаммоларга ечим топиш имконини беради.
• Китоблар ўз-ўзимизни яхшилаш, катта натижаларга эришиш учун иштиёқ беради. Билим булоғи дунёни англашнинг янги чегараларини кашф этишда қўл келади.
• Муаммога ечим топиб, унинг устида бош қотиришга ундайди. Унинг натижасида “Наҳотки мен бу дунёга келишимга сабаб бўлган мақсад йўлида ҳаракат қилаётган бўлсам?” қабилидаги саволларга жавоб топишда ёрдам беради.

Билмаганларингизни ўрганинг, натижада ўзингиз ҳам ўзгарасиз!