Жасур Яхшибоев – Беларусь чемпиони. «Шахтёр» 15 йил ўтиб олтин медалларга эга чиқди ва ЕЧЛга йўлланма олди

Учрашувни асосий таркибда бошлаган ўзбекистонлик яримҳимоячи Жасурбек Яхшибоев шу куни ҳам жамоаси таркибида фаол тўп суриб, якунда муҳим ғалабага эришди.

Натижада сўнгги 30-турда очколари сонини 59тага етказган «Шахтёр» 58 очкоси бўлган БАТЭдан бир очкога ўзиб, Беларусь Олий Лигаси ғолибига айланди. Солигорск клуби сўнгги марта 2005 йилда чемпион бўлганди. «Шахтёр» 2021/22 йилги мавсумда Чемпионлар лигаси саралаш босқичига йўлланма олди.

Яхшибоев чемпионат давомида 16та голга муаллифлик қилиб, тўпурарлар пойгасида 2-ўринни эгаллади.

Беларусь Олий лигаси. 30-тур.
«Шахтёр» - «Минск» - 4:2
Голлар: Юрий Кендиш 24, Артём Архипов 73, 90+8, Роман Бегунов 90+2 – Глеб Жердев 18, Антон Шрамченко 52.