Самарқанд вилоятидаги ЙТҲда 2 пиёда ҳалок бўлди

Самарқандда тартибга солинмаган пиёдалар йўлакчаси олдида йўлни кесиб ўтиш учун турган пиёдаларни Damas уриб юборган.

Фото: Видеодан кадр

Самарқанд вилояти Иштихон туманида Damas уриб юборган икки киши вафот этган. Бу ҳақда ИИВ ЙҲХББ ахборот хизмати хабар бермоқда.

Ҳодиса 2023 йил 3 январ куни соат 22:30 ларда М-37 Самарқанд-Бухоро-Туркманбоши автомобил йўлининг Иштихон тумани ҳудудидан ўтган 51-километрида содир бўлган.

Damas машинаси тартибга солинмаган пиёдалар йўлакчаси олдида йўлни кесиб ўтиш учун турган икки кишини уриб юборган.

Оқибатда оғир тан жароҳати олган иккала пиёда шифохонада вафот этган.

#Тошкент вилояти #ЙТҲ #Самарқанд вилояти #Чиноз тумани #Иштихон тумани