Антонин Паненка Мессининг "паненка" услубидаги голини эътироф этди

Kun.uz: Ўтган асрда Чехословакия терма жамоасида фаолият олиб борган Антонин Паненка "Барселона" жамоаси ҳужумчиси Лионель Мессининг Ла-лига доирасидаги навбадаги тур ўйинида "Хетафе" дарвозасига 11 метрлик жарима нуқтасидан "паненка" услубида урган голи шу услубда урилган голларнинг энг яхшиси бўлгани ҳақида гапириб берди. "Бу менинг номим билан номланадиган пенальти тепиш ижросининг энг мукаммал кўриниши бўлди. Унинг ижросида тўп энг керакли тезликда, аниқ ва айланма ҳаракат билан дарвозага киритилди. Бу гол Мессининг техникаси нақадар кучли эканидан дарак беради", дейди Паненка RAC1 нашрига берган интервьюсида.