Kun.uz: Жанубий-Қозоғистон вилояти марказида эркин кураш бўйича Ҳожимуқон Мунайтпасов хотирасига бағишланган анъанавий халқаро турнир бўлиб ўтди. Мусобақада ўсмирлар ва ўсмир қизлар ўртасида бўлиб ўтди.
Ўзбекистон спорт курашлари ассоциацияси матбуот хизматининг
хабар беришича, мазкур мусобақада иштирок этган Ўзбекистон терма жамоаси вакиллари 1та олтин, 3та кумуш ва 2та бронза медалларини қўлга киритишди.
Олтин медалга қизлар ўртасида 52 кг. вазнда қатнашган хоразмлик Нодира Собирова эга чиқди. Кумуш медалларни яна икки нафар хоразмлик қизлар Асалхон Собирова (49 кг), Фируза Рўзибаева (46 кг) ва нукуслик Бахтигул Болтаниёзова (65 кг)лар қўлга киритишди. Терма жамоа ҳисобига бронза медалларини эса Актенге Кеунимжаева (46 кг, Нукус) ва Гулшан Асатова (60 кг, Навоий) тақдим этишди.
Россия, Ўзбекистон, Қирғизистон, Тожикистон ва Қозоғистондан келган 500дан ортиқ курашчилар иштирок этган мазкур турнир 9-14 июн кунлари Ҳиндистон мезбонлик қиладиган ўсмирлар ўртасидаги Осиё чемпионати олдидан сўнгги тайёргарлик босқичини ўтаб берди, деб ёзилади хабарда.
