Kun.uz: “Реал Мадрид” ҳимоячиси Рафаэль Варан “Ювентус”га қарши кечадиган учрашувда “туринликлар”га жароҳатланган Поль Погбанинг ўрни билинишини таъкидлади.
“Погба – ажойиб футболчи, “Реал”га қарши кечадиган учрашувда “Ювентус”га унинг ўрни билинади. Мен Полга қарши ўйнашни истайман. Чемпионлар лигасининг ярим финали юқори босқич ҳисобланади. Бизга осон бўлмайди, бироқ “Реал” финал йўлланмасини қўлга киритиш учун бор имкониятидан фойдаланади”, – деди Варан.
Маълумот учун, “Ювентус” ҳамда “Реал” ўртасидаги биринчи учрашув “туринликлар” майдонида 5 май куни, Мадриддаги учрашув эса 13 май куни бўлиб ўтади.