Навоий вилоятида 4,1млрд долларлик 50дан зиёд лойиҳалар амалга оширилади

Kun.uz: Навоий вилоятида кейинги беш йил­лик­да умумий қиймати 4,1 миллиард АҚШ доллари­дан ортиқ бўлган 50 дан зиёд инвести­ция лойи­ҳалари амалга оширилади. Бу ҳақда Навоий вилояти ҳокими, сенатор Эркинжон Турдимов маълум қилди. Унинг айтишича, вилоятда яқин уч йил ичида мева-сабзавотчилик соҳасида умумий қиймати 75 миллиард сўмдан зиёд 950та лойиҳани амалга ошириш кўзда ту­тил­­ган. Шунингдек, кейинги беш йил­лик­да 70 минг гектардан ортиқ экин майдон­ларининг мелиоратив ҳолатини яхши­лаш мақсадида 86 миллиард сўм­дан кўпроқ маблағ эвазига катта ҳажм­даги зарур агротехник тадбирларни амалга ошириш белгиланган. “Умумий қиймати 4,1 миллиард АҚШ доллари­дан ортиқ бўлган 50 дан зиёд инвести­ция лойи­ҳаларини амалга ошириш, хусусан, қуёш панеллари, телефон, план­шет, компьютер, ноутбук ва телевизор­лар, тайёр кийимлар, калава ип, каустик сода, азот кислотаси, ёнувчи сланецлар каби 25 турдаги харидоргир маҳсулот­лар ишлаб чиқаришнинг йўлга қўйили­ши вилоят иқтисодий салоҳиятини ян­ги босқичга кўтаришга хизмат қилади”, – деди вилоят раҳбари. Унинг фикрича, мамлакатимизда аҳоли турмуш фа­ро­вонлигини янада юксалтириш, ҳу­дуд­лар инфратузилмасини тубдан яхши­лаш борасида ҳам салмоқли иш­лар­нинг истиқболига алоҳида эътибор қаратилмоқда. “2015-2019 йилларда яна 1,1 минг километрлик ичимлик сув тар­моқ­ларини барпо этиш, йўл коммуника­ция соҳасини ривожлантириш мақса­дида 510 километр ички йўлларни ҳам­да 290 километр умумфойдаланувдаги йўлларни капитал ва жорий таъмирлаш белгиланган. Шунингдек, мазкур йил­лар давомида аҳоли саломатлигини муҳо­фаза қилиш, она ва бола саломат­лигини мустаҳкамлаш мақсадида 2 та замо­навий шифохона барпо этиш, 11 та тиб­биёт маскани ҳамда 17 та қишлоқ врач­лик пунктини капитал таъмир­лаш ва реконструкция қилиш бўйича кенг кўлам­ли чора-тадбирлар белги­ланган”, – таъкидлади Э.Турдимов.