Лондоннинг "Арсенал" жамоаси ҳужумчиси Алексис Санчес шаҳардаги ўзбек таомлари чойхонасига палов тановвул қилиш учун тез-тез ташриф буюриши маълум бўлди.
Фейсбукдаги Only in Uzbekistan гуруҳига буни тасдиқловчи суратлар ҳамда маълумотлар жойлаштирилган.
"Лондонда фаолият кўрсатувчи ўзбекистонлик Умар ва Воҳид исмли ака-ука ошпаз чилилик футболчи Алексис Санчеснинг дўстлари ҳисобланади. Бу ошпазлар палов орқали Санчеснинг кўнглига йўл топишган. Энди футболчи "Марварид" чойхонасига келиб, дўстлари билан ош устида суҳбат қуради", дейилади хабарда.