Путин милиция генерали бўлган биринчи аёлни ўз лавозимидан озод қилди

Россия президенти Владимир Путин Россия Ички ишлар вазирлигининг молиявий-иқтисодий сиёсати ва ижтимоий кафолатларни таъминлаш департаменти бошлиғи Светлана Перовани ўз лавозимидан озод этди. Бу ҳақда ҳуқуқий ахборот интернет-порталида маълум қилинди.

Перова Россия милицияси тарихида генерал-майор ҳамда генерал-лейтенант унвонларини олган биринчи аёл ҳисобланади. Перовага Борис Ельцин томонидан “Россия Федерациясининг хизмат кўрсатган иқтисодчиси” фахрий унвони берилган.
Аввалроқ Путин 20 га яқин генерални ўз лавозимидан озод қилгани маълум қилинганди.